Panchayat Secretaries | డోన్ట్ కేర్‌.. హాజ‌రు వేసుకొని ఇంటికెళ్తున్న పంచాయతీ కార్యదర్శులు..!
Panchayat Secretaries | చుంచుపల్లి మండలంలోని గ్రామపంచాయతీల్లో ఉదయం 10:30 గంటలకే కార్యాలయాలకు తాళాలు వేసి వెళ్లిపోతున్నారనే విమర్శలు వ్యక్తమవుతున్నాయి. దీంతో ప్రజలు తమ సమస్యలు ఎవరికి చెప్పుకోవాలో తెలియక ఇబ్బందులు పడుతున్నారు.
Panchayat Secretaries | చుంచుపల్లి, నవంబర్ 4: భారీ వర్షాల నేపథ్యంలో ప్రజలకు అందుబాటులో ఉండాలని కలెక్టర్ ఆదేశించినప్పటికీ చుంచుపల్లి మండలంలోని కొందరు పంచాయతీ కార్యదర్శులు విధుల్లో నిర్లక్ష్యం వహిస్తున్నారనే ఆరోపణలు వెల్లువెత్తుతున్నాయి. రాంపురం, అంబేద్కర్ నగర్ గ్రామపంచాయతీల్లో ఉదయం 10:30 గంటలకే కార్యాలయాలకు తాళాలు వేసి వెళ్లిపోతున్నారనే విమర్శలు వ్యక్తమవుతున్నాయి. దీంతో ప్రజలు తమ సమస్యలు ఎవరికి చెప్పుకోవాలో తెలియక ఇబ్బందులు పడుతున్నారు.
వర్షపు నీరు ఇళ్లలోకి చేరడం, డ్రైనేజీలు పొంగిపొర్లడం, పారిశుద్ధ్య సమస్యలు తలెత్తుతున్నా క్షేత్రస్థాయిలో పర్యవేక్షణ కొరవడిందనే ఆరోపణలున్నాయి. కార్యదర్శులు సమయపాలన పాటిస్తూ ప్రజలకు అందుబాటులో ఉండేలా ఉన్నతాధికారులు పర్యవేక్షించాలని స్థానికులు కోరుతున్నారు.
ఈ విషయంపై ఎంపీడీవో సుభాషిణి స్పందిస్తూ.. రాంపురం కార్యదర్శి ఆరోగ్యం బాగోలేక అనుమతి తీసుకుని వెళ్లారని, ప్రస్తుతం క్యాంప్ కార్యదర్శి బాబుని అక్కడికి పంపిస్తానని తెలిపారు. అంబేద్కర్ నగర్ కార్యదర్శి వ్యవహారంపై విచారణ చేసి చెబుతానన్నారు. కార్యదర్శులు సైతం వ్యక్తిగత కారణాలతో అనుమతి తీసుకుని వెళ్లినట్లు వివరణ ఇచ్చారు.
ప్రజలకు అవసరమైన సమయంలో అధికారులు అందుబాటులో లేకపోతే సమస్యలు పరిష్కరించేదెవరని గ్రామస్తులు ప్రశ్నిస్తున్నారు. కలెక్టర్ ఆదేశాల మేరకు విధుల్లో నిర్లక్ష్యం వహిస్తున్న వారిపై ఉన్నతాధికారులు చర్యలు తీసుకోవాలని కోరుతున్నారు.
Read Also :
Weather Changes | ప్ర‌పంచ దేశాల్లో దుర్భ‌ర‌మ‌వుతున్న వాతావ‌ర‌ణ ప‌రిస్థితులు.. అధ్య‌య‌నంలో వెల్ల‌డి..
Jairam Ramesh | రాముడి పేరుతో పాపాలు ఇంకెన్నాళ్లు..? బీజేపీపై జైరాం ర‌మేష్ ఆగ్ర‌హం
Read Today's Latest Khammam Khammam News in Telugu and Telugu News
- Follow Us :
-
