రాష్ట్ర‌స్థాయి సాఫ్ట్‌బాల్‌ ఛాంపియన్‌షిప్‌లో భద్రాద్రి కొత్తగూడెం జిల్లాకు ద్వితీయ స్థానం

భద్రాద్రి కొత్తగూడెం జిల్లా అండర్‌-13 బాలికల సాఫ్ట్‌బాల్‌ జట్టు రాష్ట్రస్థాయి పోటీల్లో ప్రతిభ చాటి ద్వితీయ స్థానం సాధించింది. నిజామాబాద్‌లో ఈ నెల 11, 12 తేదీల్లో నిర్వహించిన 11వ తెలంగాణ రాష్ట్ర అండర్‌-13 బాలికల మినీ సబ్‌ జూనియర్‌ అంతర్‌జిల్లాల సాఫ్ట్‌బాల్‌...

– సత్తా చాటిన అండర్‌-13 బాలికల జట్టు

కొత్తగూడెం, అక్టోబర్ 12 : భద్రాద్రి కొత్తగూడెం జిల్లా అండర్‌-13 బాలికల సాఫ్ట్‌బాల్‌ జట్టు రాష్ట్రస్థాయి పోటీల్లో ప్రతిభ చాటి ద్వితీయ స్థానం సాధించింది. నిజామాబాద్‌లో ఈ నెల 11, 12 తేదీల్లో నిర్వహించిన 11వ తెలంగాణ రాష్ట్ర అండర్‌-13 బాలికల మినీ సబ్‌ జూనియర్‌ అంతర్‌జిల్లాల సాఫ్ట్‌బాల్‌ ఛాంపియన్‌షిప్‌లో జిల్లా జట్టు రన్నరప్‌గా నిలిచి గర్వకారణంగా నిలిచింది. ఈ పోటీల్లో బాలికల‌ పట్టుదల, క్రీడా స్ఫూర్తి, సమష్టి కృషితో అద్భుత ప్రతిభ కనబరిచారు. క్రీడాకారిణుల కఠోర శ్రమతో పాటు భద్రాద్రి కొత్తగూడెం కోచ్‌ పొన్నవల పృథ్వీరాజ్ శిక్షణ, జట్టు సమన్వయం ఈ విజయానికి దోహదపడ్డాయి.

విజేత జట్టుకు ప్రముఖుల అభినందనలు

భద్రాద్రి కొత్తగూడెం జిల్లా బాలికల జట్టు ద్వితీయ స్థానం సాధించడంపై తెలంగాణ సాఫ్ట్‌బాల్‌ కార్యదర్శి కె.నవీన్‌ కుమార్‌, భారత సాఫ్ట్‌బాల్‌ జాయింట్‌ సెక్రటరీ కె.శోభన్‌బాబు, నిజామాబాద్‌ సాఫ్ట్‌బాల్‌ కార్యదర్శి గంగామోహన్‌ హర్షం వ్యక్తం చేస్తూ క్రీడాకారిణులకు శుభాకాంక్షలు తెలియజేశారు. జిల్లా జట్టు సాధించిన ఈ విజయం ఇతర క్రీడాకారులకు స్ఫూర్తిదాయకమని పేర్కొంటూ అభినందించారు.