ఎన్‌సీడబ్ల్యూఏ ఉద్యోగులకు క్వార్టర్స్ కేటాయింపు

సింగరేణి కొత్తగూడెం ఏరియాలో ఎన్‌సీడబ్ల్యూఏ ఉద్యోగులకు గురువారం క్వార్టర్స్ కౌన్సిలింగ్ నిర్వహించారు. మొత్తం 170 మంది ఉద్యోగులు దరఖాస్తు చేసుకోగా అర్హత, కేటగిరీ, హోదా ఆధారంగా పారదర్శకంగా కౌన్సిలింగ్ నిర్వహించి...

– 170 దరఖాస్తులు.. 70 మందికి క్వార్టర్స్ కేటాయింపు

రుద్రంపూర్, అక్టోబర్ 15 : సింగరేణి కొత్తగూడెం ఏరియాలో ఎన్‌సీడబ్ల్యూఏ ఉద్యోగులకు గురువారం క్వార్టర్స్ కౌన్సిలింగ్ నిర్వహించారు. మొత్తం 170 మంది ఉద్యోగులు దరఖాస్తు చేసుకోగా అర్హత, కేటగిరీ, హోదా ఆధారంగా పారదర్శకంగా కౌన్సిలింగ్ నిర్వహించి 70 మందికి క్వార్టర్స్ కేటాయించారు. కౌన్సిలింగ్‌కు హాజరైన మరో 30 మంది క్వార్టర్స్ తీసుకోలేదు. మిగిలిన 70 మంది ఉద్యోగులు కౌన్సిలింగ్‌కు హాజరుకాలేదు. ఈ కార్యక్రమంలో ఎస్‌వో టు జీఎం ఎం. గోవిందరావు, డీజీఎం (సివిల్) రాజేంద్ర కుమార్, పర్సనల్ మేనేజర్ ఎల్. తిరుపతి, డిప్యూటీ పర్సనల్ మేనేజర్ జి. హరీష్, ఏఐటీయూసీ బ్రాంచ్ కార్యదర్శి జె. గట్టయ్య, ఐఎన్‌టీయూసీ వైస్ ప్రెసిడెంట్ ఎండీ రజాక్, కార్యాలయ సిబ్బంది, సెక్యూరిటీ సిబ్బంది, ఉద్యోగులు పాల్గొన్నారు.