Veenavanka | వీణవంక, కోర్కల్‌ చేనేత సంఘాల ఎన్నిక ఏకగ్రీవం.. నూతన చైర్మన్లుగా పద్మలత, సత్యనారాయణ

వీణవంక మండలంలోని వీణవంక, కోర్కల్‌ చేనేత సహకార సంఘాలకు ప్రభుత్వం ఎన్నికలకు నోటిఫికేషన్ విడుదల చేయగా ఆదివారం చైర్మన్లతో పాటు పాలకవర్గ సభ్యుల ఎన్నిక ఏకగ్రీవం అయినట్లు ఎన్నికల అధికారులు తెలిపారు.

Veenavanka | వీణవంక, జూన్ 21 : వీణవంక మండలంలోని వీణవంక, కోర్కల్‌ చేనేత సహకార సంఘాలకు ప్రభుత్వం ఎన్నికలకు నోటిఫికేషన్ విడుదల చేయగా ఆదివారం చైర్మన్లతో పాటు పాలకవర్గ సభ్యుల ఎన్నిక ఏకగ్రీవం అయినట్లు ఎన్నికల అధికారులు తెలిపారు. వీణవంక, కోర్కల్‌ చేనేత సహకార సంఘంలో ఒక్కో డైరెక్టర్ స్థానానికి ఒకటే నామినేషన్ దాఖలు కాగా ఎన్నిక ఏకగ్రీవం అయ్యాయి.

వీణవంక చేనేత సంఘం చైర్మన్ గా జడల పద్మలత, వైస్ చైర్మన్ గా ఉయ్యాల రాజయ్య, కోశాధికారిగా చిందం సదానందం, కోర్కల్‌ చేనేత సంఘం చైర్మన్ గా అడిగొప్పుల సత్యనారాయణ, వైస్ చైర్మన్గా అడిగొప్పుల నిర్మల, కోశాధికారిగా బొద్దుల భావనరుషిలు ఏకగ్రీవంగా ఎన్నికయ్యారని ఎన్నికల అధికారులు రూప, సురేందర్రెడ్డి, అక్బర్లు తెలిపారు. అనంతరం వీరితో పాటు డైరెక్టర్లకు ఎన్నికల అధికారులు నియామకపత్రాలను అందజేశారు.ఈ సందర్భంగా నూతనంగా ఎన్నికయిన వారికి మాజీ చైర్మన్ జడల రమేష్ తో పాటు సభ్యులు పూలమాళలు వేసి, శాలువాలు కప్పి ఘనంగా సన్మానించారు. ఇక్కడ నూతన పాలకవర్గం, చేనేత సహకార సంఘం సభ్యులు, పెద్దలు ఉన్నారు.