Karimnagar | విద్యుత్ సంస్థలో అద్దె వాహన యజమానులు, డ్రైవర్ల సమ్మె
సమస్యలు పరిష్కరించాలని ఉత్తర విద్యుత్ పంపిణీ సంస్థ (టీజీ ఎన్పీడీసీఎల్) కరీంనగర్ సర్కిల్ పరిధిలోని విద్యుత్ కార్యాలయాల్లో అద్దెకు వాహనాలు నడిపిస్తున్న యజమానులు, డ్రైవర్లు ఆదివారం సమ్మెకు దిగారు.
- ఎస్ఈ కార్యాలయం ఆవరణలోనే నిలిచిన వాహనాలు
Karimnagar | ముకరంపుర, నవంబర్ 1 : సమస్యలు పరిష్కరించాలని ఉత్తర విద్యుత్ పంపిణీ సంస్థ (టీజీ ఎన్పీడీసీఎల్) కరీంనగర్ సర్కిల్ పరిధిలోని విద్యుత్ కార్యాలయాల్లో అద్దెకు వాహనాలు నడిపిస్తున్న యజమానులు, డ్రైవర్లు ఆదివారం సమ్మెకు దిగారు. టీజీ ఎన్పీడీసీఎల్ హైర్ వెహికిల్స్ ఓనర్స్, డ్రైవర్స్ జిల్లా అసోసియేషన్ ఆధ్వర్యంలో వాహనాలన్నిటినీ ఎస్ఈ కార్యాలయానికి తరలించి నిలిపివేశారు. ఈ సందర్భంగా అసోసియేషన్ నాయకులు మాట్లాడుతూ డీజిల్, పెట్రోల్ రేట్లు పెరగడం, వాహనాల మెయింటనెన్స్ భారం అధికంగా ఉన్న నేపథ్యంలో వాహనాలను నడిపేందుకు ఆర్ధికంగా ఇబ్బంది పడాల్సి వస్తుందని పేర్కొన్నారు.
ఈ విషయంపై ఇప్పటికే పలు మార్లు సంస్థ ఉన్నతాధికారులకు వినతిపత్రాలు అందజేసినట్లు తెలిపారు. ప్రస్తుతం ఉన్న అద్దె రేట్లను పరిశీలించి, పెరిగిన డీజిల్, పెట్రోల్, ఇన్సూరెన్స్, మెయింటనెన్స్ ధరలకు అనుగుణంగా అద్దె రేట్లు పెంచాలని డిమాండ్ చేశారు. కారుకు నెలకు 2 వేల కిలోమీటర్లకు రూ.55 వేలు, బొలెరో వాహనానికి 2 వేల కిలోమీటర్లకు రూ.65 వేలు చెల్లించాలని కోరారు. ఒక వేళ అదనంగా తిరిగితే కారుకు కిలోమీటర్ కు రూ.15, బొలెరో కు రూ.20 చెల్లించాలని డిమాండ్ చేశారు. సమస్యలు పరిష్కరించే వరకు సమ్మె కొనసాగుతుందని తెలిపారు. ఈ కార్యక్రమంలో అసోసియేషన్ అధ్యక్ష, ఉపాధ్యక్షులు గట్టు పవన్, మొలుగూరి గణేష్, నాయకులు కల్లెపెల్లి కుమార్, ప్రభాకర్, శ్రీనివాస్, రాము, తదితరులు పాల్గొన్నారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

