Short Film | ‘నా పెళ్లికి ఎవరు అమ్మనాన్నలు’ లఘు సినిమా షూటింగ్

తల్లిదండ్రులు విడిపోతే పిల్లలు ఎదుర్కొనే ఇబ్బందులను ఇతివృత్తంగా కరోనా క్రియేషన్స్ బ్యానర్ పై వేముల అశోక్ నిర్మిస్తున్న 'నా పెళ్లికి ఎవరు అమ్మ నాన్నలు' లఘు చిత్రం షూటింగ్ సోమవారం గోదావరిఖని పరిసర ప్రాంతంలో నిర్వహించారు.

Short Film | కోల్ సిటీ, నవంబర్ 2 : తల్లిదండ్రులు విడిపోతే పిల్లలు ఎదుర్కొనే ఇబ్బందులను ఇతివృత్తంగా కరోనా క్రియేషన్స్ బ్యానర్ పై వేముల అశోక్ నిర్మిస్తున్న ‘నా పెళ్లికి ఎవరు అమ్మ నాన్నలు’ లఘు చిత్రం షూటింగ్ సోమవారం గోదావరిఖని పరిసర ప్రాంతంలో నిర్వహించారు. గోదావరి కళా సంఘాల సమాఖ్య అధ్యక్షుడు కనకం రమణయ్య ముఖ్యతిథిగా హాజరై క్లాప్ కొట్టి చిత్రీకరణను ప్రారంభించి మాట్లాడారు. ఇప్పటికే ఎన్నో సందేశాత్మక చిత్రాలతో నటుడిగా, నిర్మాతగా గుర్తింపు తెచ్చుకున్న వేముల అశోక్ మరోసారి కుటుంబ నేపథ్యంతో నిర్మిస్తున్న ఈ చిత్రం తప్పకుండ ప్రేక్షక ఆదరణ పొందుతుందని ధీమా వ్యక్తం చేశారు.

కాగా, చిత్రంలో నటీ నటులుగా వేముల అశోక్, రాధిక, చంద్రమౌళి, శ్రీదేవి, అంగడి రమేష్, సగ్నికా, లక్ష్మీకళ, రాజనర్సు ముఖ్య పాత్రలు పోషిస్తుండగా, పున్నిపాదం దర్శకత్వం వహిస్తున్నాడు. చిత్రీకరణ పూర్తి చేసుకొని అతి త్వరలోనే ప్రేక్షకుల ముందుకు తీసుకరానున్నట్లు నిర్మాత అశోక్ తెలిపారు. కార్యక్రమంలో కళాకారులు మల్లికార్జున్, దామెర రాజేష్, బీరుక లక్ష్మణ్, తాటిపాముల రాజనర్సు తదితరులు పాల్గొన్నారు.