Science Projects | సమాజానికి మేలు చేసే సైన్స్ ​‍ప్రాజెక్టులను రూపొందించాలి : కలెక్టర్‌ పమేలా సత్పతి

Science Projects | విద్యార్థులు ప్రకృతితో మమేకమవుతూ సమాజానికి మేలు చేసే ఆవిష్కరణలు, ప్రాజెక్టులు రూపొందించాలని జిల్లా కలెక్టర్‌ పమేలా సత్పతి అన్నారు.

కరీంనగర్‌ కమాన్‌ చౌరస్తా : విద్యార్థులు ప్రకృతితో మమేకమవుతూ సమాజానికి మేలు చేసే ఆవిష్కరణలు, ప్రాజెక్టులు ( Science projects) రూపొందించాలని జిల్లా కలెక్టర్‌ పమేలా సత్పతి ( Collector Pamela Satpati ) అన్నారు. జిల్లా విద్యాశాఖ ఆధ్వర్యంలో శనివార స్ధానిక కొత్తపల్లిలోని అల్ఫోర్స్​‍ఈ టెక్నో పాఠశాలలో 2025-26 సంవత్సర జిల్లాస్థాయి బాల వైజ్ఞానిక ప్రదర్శన, ఇన్స్‌పైర్‌ అవార్డ్స్​‍మనాక్‌ను కలెక్టర్‌ ప్రారంభించారు.

ఈ సందర్భంగా ఆమె మాట్లాడుతూ, గత పది సంవత్సరాలుగా క్రమం తప్పకుండా జిల్లా నుంచి సైన్స్​‍ఎగ్జిబిట్‌లు రాష్ట్ర, జాతీయస్థాయికి ఎంపికవడం గర్వకారణమన్నారు. ఏ జిల్లాలో లేని విధంగా కరీంనగర్‌లో సైన్స్​‍ మ్యూజియం ఉన్నదని, ప్రభుత్వ, ప్రైవేట్‌ పిల్లలు ఎవరైనా మ్యూజియం సందర్శించవచ్చని పేర్కొన్నారు.

ఆత్మనిర్భర్‌ భారత్‌ లో భాగంగా విద్యార్థులు బాలశాస్త్రవేత్తలుగా ఎదగడానికి ఎన్నో అవకాశాలు ఉన్నాయని వివరించారు. మన దేశం కోసం, మన ప్రజల కోసం ఏం మంచి చేయగలుగుతామో ఆ దిశగా ఆలోచించడమే ఆత్మనిర్భర్‌ భారత్‌, వికసిత భారత్‌(Vikasit Bharat ) లక్ష్యమన్నారు.

జిల్లా విద్యాశాఖాధికారి శ్రీరామ్‌ మొండయ్య మాట్లాడుతూ విద్యార్థులు ప్రతి అంశాన్ని శాస్త్రీయ దృక్పథంతో పరిశీలించాలని, ఆలోచనలో, ప్రవర్తనలో వైజ్ఞానికత ఉండాలన్నారు. అల్ఫోర్స్​‍ విద్యాసంస్థల చైర్మన్‌ నరేందర్‌ రెడ్డి , జిల్లా సైన్స్​‍ అధికారి జైపాల్‌ రెడ్డి , జిల్లా ఉమ్మడి పరీక్షల బోర్డు కార్యదర్శి ఎస్ భగవంతయ్య, సెక్టోరియల్‌ అధికారులు కర్ర అశోక్‌ రెడ్డి, ఆంజనేయులు, మిల్కూరి శ్రీనివాస్, కృపారాణి, కొత్తపల్లి మండల విద్యాశాఖాధికారి ఆనందం,  ప్రధానోపాధ్యాయులు, ఉపాధ్యాయ సంఘాల నాయకులు, ఉపాధ్యాయులు, విద్యార్థులు పాల్గొన్నారు. ఈ సందర్భంగా అల్ఫోర్స్​‍, బాల భవన్‌ విద్యార్థుల ప్రదర్శనలు ఆకట్టుకున్నాయి.