Amber Kishore Jha | ఉద్యోగ విరమణ పొందిన పోలీసులు కుటుంబం కోసం సమయాన్ని కేటాయించాలి: సీపీ అంబర్ కిషోర్ ఝా

Amber Kishore Jha | కుటుంబ క్షేమం కన్నా సమాజం క్షేమం కోసం నిరంతరం విధులు నిర్వహించేది పోలీసులు మాత్రమేనని రామగుండం పోలీస్ కమిషనర్ అంబర్ కిషోర్ ఝా అన్నారు.

రామగుండం : కుటుంబ క్షేమం కన్నా సమాజం క్షేమం కోసం నిరంతరం విధులు నిర్వహించేది పోలీసులు మాత్రమేనని రామగుండం పోలీస్ కమిషనర్ అంబర్ కిషోర్ ఝా (Amber Kishore Jha) అన్నారు. ప్రస్తుతం ఉద్యోగ విరమణ చేస్తున్న పోలీస్ అధికారులు( Retired Officers) కుటుంబసభ్యుల కోసం ఎక్కువ సమయం కేటాయించాలని సూచించారు.

రామగుండం పోలీస్ కమిషనరేట్‌లో సుధీర్ఘకాలంగా విధులు నిర్వహించి ఉద్యోగ విరమణ పొందిన పోలీస్ అధికారితో పాటు ఏఆర్‌ ఎస్సై ఫారికొద్దిన్‌ను పోలీస్ కమిషనర్ సత్కరించి జ్ఞాపికలను అందజేశారు. ఈ సందర్భంగా పోలీస్ కమిషనర్ మాట్లాడుతూ ఉద్యోగ విరమణ చేస్తున్న అధికారులు విధి నిర్వహణలో ఎన్నో ఒడిదుడుకులను ఎదుర్కోవడంతోపాటు శాంతి భద్రతల పరిరక్షణకు ప్రాణాలను సైతం లెక్క చేయకుండా విధులు నిర్వహించిన వారేనన్నారు.

ఆరోగ్యం కోసం నిరంతరం యోగ లేదా వ్యాయామాన్ని కొనసాగించాలి సూచించారు.ఈ కార్యక్రమంలో అడిషనల్ డీసీపీ శ్రీనివాస్, ట్రాఫిక్ ఏసీపీ శ్రీనివాస్, ఏవో శ్రీనివాస్, ఏఆర్ ఏసీపీ ప్రతాప్, ఇన్‌స్పెక్టర్‌ రాజేంద్ర ప్రసాద్, ఆర్ఐలు దామోదర్ మల్లేశం, రామగుండం పోలీస్ అధికారుల సంఘం అధ్యక్షులు బోర్ల కుంట పోచలింగం తదితరులు పాల్గొన్నారు.