Singareni | సింగరేణి కార్మిక గర్జన సభకు రామదండులా గులాబీ శ్రేణులు

గోదావరిఖనిలో బుధవారం నిర్వహించిన సింగరేణి కార్మిక గర్జన సభకు రామగిరి మండలంలోని గులాబీ శ్రేణులు రామదండుగా కదిలాయి. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సభకు హాజరవుతుండటంతో మండలంలోని వివిధ గ్రామాల్లో పార్టీ కార్యకర్తలు, నాయకుల్లో ఉత్సాహం నెలకొంది.

Singareni | రామగిరి, అక్టోబరు 14 : గోదావరిఖనిలో బుధవారం నిర్వహించిన సింగరేణి కార్మిక గర్జన సభకు రామగిరి మండలంలోని గులాబీ శ్రేణులు రామదండుగా కదిలాయి. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సభకు హాజరవుతుండటంతో మండలంలోని వివిధ గ్రామాల్లో పార్టీ కార్యకర్తలు, నాయకుల్లో ఉత్సాహం నెలకొంది. సభను విజయవంతం చేయాలనే లక్ష్యంతో రామగిరి మండలంలోని పలు గ్రామాల నుంచి బీఆర్‌ఎస్‌ శ్రేణులు పెద్ద సంఖ్యలో గోదావరిఖనికి తరలివెళ్లారు.

గులాబీ జెండాలు చేతబూని, పార్టీ నినాదాలతో కార్యకర్తలు ఉత్సాహంగా సభకు బయలుదేరారు. దీంతో మండలంలోని గ్రామాల్లో రాజకీయ సందడి నెలకొంది. సింగరేణి కార్మికుల సమస్యలు, వారి హక్కులు, సంక్షేమ అంశాలపై నిర్వహిస్తున్న ఈ సభకు కేటీఆర్‌ హాజరవుతుండటంతో బీఆర్‌ఎస్‌ శ్రేణుల్లో ప్రత్యేక ఉత్సాహం కనిపించింది. పార్టీ నాయకులు, కార్యకర్తలు సమన్వయంతో సభకు తరలివెళ్లడంతో రామగిరి మండలం నుంచి గులాబీ దండు గోదావరిఖని వైపు కదిలింది.