రైస్ మిల్లులో సివిల్‌ సప్లై ఎన్‌ఫోర్స్​‍మెంట్‌ అధికారుల దాడులు

పెద్దపల్లి జిల్లా మంథని మండలం సూరయ్యపల్లి గ్రామంలోని రైస్ మిల్లులో సివిల్‌ సప్లయి ఎన్‌ఫోర్స్‌మెంట్‌ అధికారులు శుక్రవారం దాడులు నిర్వహించారు. తెలంగాణ సివిల్‌ సప్లై కమిషన్‌ ఆదేశాల మేరకు సివిల్‌ సప్లై ఎన్‌ఫోర్స్​‍మెంట్‌ అధికారులు, ఎఫ్‌సీఐ అధికారులు మంథని మండలం సూరయ్యపల్లి గ్రామంలోని శ్రీ లక్ష్మి మోడ్రన్‌ పారాబాయిల్డ్​‍ రైస్ అండ్‌ మిల్లులో ఏక కాలంలో తనిఖీలు నిర్వహించారు.

మంథని, మార్చి 28: పెద్దపల్లి జిల్లా మంథని మండలం సూరయ్యపల్లి గ్రామంలోని రైస్ మిల్లులో సివిల్‌ సప్లయి ఎన్‌ఫోర్స్‌మెంట్‌ అధికారులు శుక్రవారం దాడులు నిర్వహించారు. తెలంగాణ సివిల్‌ సప్లై కమిషన్‌ ఆదేశాల మేరకు సివిల్‌ సప్లై ఎన్‌ఫోర్స్​‍మెంట్‌ అధికారులు, ఎఫ్‌సీఐ అధికారులు మంథని మండలం సూరయ్యపల్లి గ్రామంలోని శ్రీ లక్ష్మి మోడ్రన్‌ పారాబాయిల్డ్​‍ రైస్ అండ్‌ మిల్లులో ఏక కాలంలో తనిఖీలు నిర్వహించారు.

సివిల్‌ సప్లైకి సంబంధించిన 2022-23 సంవత్సరానికి సంబంధించిన ధాన్యం నిల్వలపై, ఎఫ్‌సీఐకి సంబంధించి 2023-24 సంవత్సరానికి సంబంధించి ధాన్యం, బియ్యం నిల్వలపై అధికారులు తనిఖీ చేశారు. మొదటగా సూరయ్యపల్లిలోని శ్రీ లక్ష్మి మోడ్రన్‌ పారాబాయిల్డ్​‍ రైస్ అండ్‌ మిల్లులో తనిఖీ చేయడంలో మిల్లులో నిలువ ఉన్న ఎఫ్‌సీఐకి సంబంధించిన బియ్యం, ధాన్యం నిల్వలను తనిఖీ చేశారు. ఆనంతరం గంగాపురిలోని సత్యసాయి రైస్‌లో నిల్వ ఉంచిన స్టాక్‌ను పరిశీలించారు. ఈ తనిఖీల్లో 41,365.27 క్వింటాళ్ల ధాన్యానికి గాను 9689.8 కింటాళ్లు మాత్రమే లెక్కలోకి వచ్చాయి. మిగతా 31675.47క్వింటాళ్ల ధాన్యం స్వాహా అయినట్లు అధికారులు గుర్తించారు. అదే విధంగా ఎఫ్‌సీఐకి సంబంధించి 2023-24 రబీ సీజన్‌కు సంబంధించి 19,339 క్వింటాళ్లు మొత్తం ధాన్యం, బియ్యం నిలువ ఉన్నట్లు గుర్తించారు. కాగా తనిఖీలు నిర్వహిస్తున్న మిల్లు యజమాని సత్యనారాయణ అధికారులతో పలుసార్లు వాగ్వాదానికి దిగారు. ఈ దాడిలో సివిల్‌ సప్లై టాస్క్‌ఫోర్స్‌‍ ఓఎస్డీ ప్రభాకర్‌, స్పెషల్‌ ఆఫీసర్‌ లక్ష్మారెడ్డి, సివిల్‌ సప్లై ఎన్‌ఫోర్స్​‍మెంట్‌ ఎస్ఐ జంగయ్య, సివిల్‌ సప్లై పెద్దపల్లి డీటీ సంతోశ్‌ సింగ్‌, సివిల్‌ సప్లై ఇన్‌స్పెక్టర్‌ శ్రీనివాస్‌లు ఉన్నారు.