CEIR | కాల్వశ్రీరాంపూర్‌లో పోగొట్టుకున్న సెల్ ఫోన్ అప్పగింత

కాల్వశ్రీరాంపూర్ గ్రామానికి చెందిన చెప్పాల సదయ్య తన సెల్ ఫోన్ పోగొట్టుకోవడంతో కాల్వ శ్రీరాంపూర్ పోలీసులకు ఫిర్యాదు చేశారు. పోలీసులు సీఈఐఆర్ పోర్టల్‌లో వివరాలు నమోదు చేసి ఫోన్ ని గుర్తించి దానిని దొరకబట్టారు.

CEIR |  కాల్వశ్రీరాంపూర్, జనవరి 17 : కాల్వశ్రీరాంపూర్ గ్రామానికి చెందిన చెప్పాల సదయ్య తన సెల్ ఫోన్ పోగొట్టుకోవడంతో కాల్వ శ్రీరాంపూర్ పోలీసులకు ఫిర్యాదు చేశారు. పోలీసులు సీఈఐఆర్ పోర్టల్‌లో వివరాలు నమోదు చేసి ఫోన్ ని గుర్తించి దానిని దొరకబట్టారు. కాగా బాధితుడికి ఆ ఫోన్‌ని పోలీసులు శనివారం అప్పగించారు.

ఈ సందర్భంగా కాల్వ శ్రీరాంపూర్ ఎస్సై వెంకటేష్ మాట్లాడుతూ ఎవరైనా సెల్ ఫోన్ ను పోగొట్టుకున్నా.. దొంగతనానికి గురైనా ఆ ఫోన్ వివరాలను సీఈఐఆర్ పోర్టల్ లో నమోదు చేసుకోవాలని సూచించారు. ఈ పోర్టల్ ద్వారా మొబైల్ తిరిగి పొందే అవకాశం ఉందని, ఈ అవకాశాన్ని ప్రజలు సద్వినియోగం చేసుకోవాలని సూచించారు. అదేవిధంగా ఎవరికైనా మొబైల్ ఫోన్స్, అనుమానిత వస్తువులు, లేదా ఇతర విలువైన వస్తువులు గాని దొరికినట్లైతే వాటిని సంబంధిత పోలీస్ స్టేషన్లో అప్పగించాలని కోరారు.