Palakurthi | రోడ్డు మీద రోడ్డుతో ఇండ్లు కిందకి..  కుక్కలగూడూరు వాసుల ఆందోళన

పాలకుర్తి మండలం కుక్కల గూడూరు గ్రామంలో సిమెంట్ రోడ్డు పైనే మళ్లీ సిమెంట్ రోడ్డు వేయడం వల్ల రోడ్డు ఎత్తు పెరిగి తమ ఇండ్లు కిందికి చేరాయని ఆ గ్రామస్తులు ఆందోళన వ్యక్తం చేశారు.

Palakurthi | పాలకుర్తి : పాలకుర్తి మండలం కుక్కల గూడూరు గ్రామంలో సిమెంట్ రోడ్డు పైనే మళ్లీ సిమెంట్ రోడ్డు వేయడం వల్ల రోడ్డు ఎత్తు పెరిగి తమ ఇండ్లు కిందికి చేరాయని ఆ గ్రామస్తులు ఆందోళన వ్యక్తం చేశారు. గతంలో సిమెంటు రోడ్డు ఉన్నప్పటికీ మళ్లీ దాని పైనే హై లెవెల్ లో రోడ్డు వేయడంతో తమ ఇండ్లు పూర్తిగా కిందికయ్యాయయని పలువురు ఆవేదన వ్యక్తం చేశారు.

రోడ్డు కిందికి ఉన్న ఇండ్లలోకి వాహనాలు గాని నడక ద్వారా గాని , వృద్ధులు వెళ్లేటువంటి పరిస్థితి లేకుండా పోయిందని వాపోతున్నారు. రోడ్డు నిర్మాణం చేపట్టిన కాంట్రాక్టర్ సిమెంటు రోడ్డు ఇరువైపులా మట్టి నిర్మించి తమ ఇండ్లకు వెళ్లడానికి మార్గం సుగమానం చేయాలని, లేకుంటే తామ ఆందోళన ఉధృతం చేస్తామని పలువురు హెచ్చరిస్తున్నారు. తక్షణమే ఇట్టి రోడ్డుకు సంబంధించిన కాంట్రాక్టర్ స్పందించి రోడ్డు కిరువైపులా మట్టి పోయించాలని డిమాండ్ చేశారు.