Visit:
Koppula Eshwar | ధర్మారం, నవంబర్ 30 : పెద్దపల్లి జిల్లా ధర్మారం మండలం బొమ్మ రెడ్డి పల్లి గ్రామానికి చెందిన మందపల్లి బుచ్చయ్య కుటుంబాన్ని ఆదివారం రాష్ట్ర మాజీ మంత్రి కొప్పుల ఈశ్వర్ పరామర్శించారు. బుచ్చయ్య అనారోగ్యంతో గత ఏడాది మరణించగా నంది మేడారంలోని నల్ల లింగయ్యపల్లి లో మృతుడి కూతురు శోభ ఇంటిలో బుచ్చయ్య ప్రథమ వర్ధంతి కార్యక్రమాన్ని నిర్వహించారు.
ఈ కార్యక్రమానికి హాజరైన మాజీ మంత్రి ఈశ్వర్ మృతుడి సతీమణి కనక లక్ష్మి, కుమారులు రమేష్, శ్రీనివాస్, బుచ్చయ్య సోదరుడు మందపల్లి లక్ష్మణ్ తో పాటు తిరుపతిని ఆయన పరామర్శించారు. మృతుడి చిత్రపటానికి పూల మాల వేసి నివాళులర్పించారు. ఈ కార్యక్రమంలో నంది మేడారం సింగిల్ విండో చైర్మన్ ముత్యాల బలరాం రెడ్డి, బీఆర్ఎస్ నాయకులు ఎగ్గేల స్వామి, ఆవుల శ్రీనివాస్, ఆవుల వేణుగోపాల్, నాయి బ్రాహ్మణ సంఘం ధర్మపురి నియోజకవర్గ ఇన్చార్జి అమరపల్లి నారాయణ తదితరులు పాల్గొన్నారు.
