Power Cuts | విద్యుత్ కోతలను నిరసిస్తూ ఓదెలలో బీఆర్ఎస్ ఆధ్వర్యంలో నిరసన

పెద్దపల్లి జిల్లా ఓదెల మండల కేంద్రంలోని సబ్ స్టేషన్ ఎదుట విద్యుత్ కోతలు నిరసిస్తూ బీఆర్ఎస్ ఆధ్వర్యంలో శనివారం ధర్నా కార్యక్రమం నిర్వహించారు. మాజీ ఎమ్మెల్యే దాసరి మనోహర్ రెడ్డి ఆదేశాల మేరకు ఓదెల మండల కేంద్రంలో విద్యుత్ కోతులపై నిరసన తెలిపారు.

Power Cuts | ఓదెల, అక్టోబర్ 10 : పెద్దపల్లి జిల్లా ఓదెల మండల కేంద్రంలోని సబ్ స్టేషన్ ఎదుట విద్యుత్ కోతలు నిరసిస్తూ బీఆర్ఎస్ ఆధ్వర్యంలో శనివారం ధర్నా కార్యక్రమం నిర్వహించారు. మాజీ ఎమ్మెల్యే దాసరి మనోహర్ రెడ్డి ఆదేశాల మేరకు ఓదెల మండల కేంద్రంలో విద్యుత్ కోతులపై నిరసన తెలిపారు. రైతులకు నాణ్యమైన 24 గంటల కరెంటును కోతలు లేకుండా అందించి పంటలను కాపాడాలన్నారు.

ఓదెల బీఆర్ఎస్ ఆధ్వర్యంలో రైతులతో కలిసి ఓదెల నుండి సబ్ స్టేషన్ వరకు బైక్ లతో ర్యాలీగా వెళ్లి రోడ్డుపై ధర్నా చేశారు. విద్యుత్ సబ్ స్టేషన్ లో సీనియర్ లైన్ ఇన్‌స్పెక్టర్‌ రాజయ్యకు వినతి పత్రం అందజేశారు. ఇప్పటికైనా రైతులకు నాణ్యమైన కరెంట్ అందించి పంటలను కాపాడాలని డిమాండ్ చేశారు. ఈ కార్యక్రమంలో బీఆర్ఎస్ నాయకులు బోడగుంట నరేష్, పోలోజు రమేష్, చింతం స్వామి, భోగే సదానందం, రాచర్ల కుమార్, బుద్ధ కుమార్, మార్క రమేష్, చింతం వెంకటస్వామి, సర్వర్, మహేందర్, శ్రావణ్ తదితరులు పాల్గొన్నారు.