Visit:
Admission | తిమ్మాపూర్, జనవరి 29 : విద్యార్థులకు ఆదర్శవంతమైన విద్యను అందించే మోడల్ స్కూల్లో ఆరు నుండి పదవ తరగతి వరకు ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపల్ వనజ కోరారు. ఈ మేరకు ఆమె గురువారం ఒక ప్రకటనలో తెలిపారు. ఆన్లైన్లో దరఖాస్తుల స్వీకరణ మొదలైందని, ఫిబ్రవరి 28 లోపు ఆన్లైన్లో దరఖాస్తు చేసుకోవాలని సూచించారు.
ప్రవేశ పరీక్ష ఏప్రిల్ 19న ఆదివారం ఉండగా.. హాల్ టికెట్లను ఏప్రిల్ 9 నుండే డౌన్లోడ్ చేసుకోవచ్చు. ఏప్రిల్ 19న ఉదయం 10 నుండి 12 గంటల వరకు ఆరవ తరగతికి, రెండు నుండి నాలుగు గంటల వరకు ఏడవ తరగతికి పరీక్ష నిర్వహించనున్నారు. ప్రవేశ పరీక్షలో అత్యుత్తమ ఫలితాలు సాధించిన విద్యార్థులకు సీట్లు ఇవ్వనున్నారు. తల్లిదండ్రులు మధ్యవర్తులను నమ్మి మోసపోవద్దని, ఆన్లైన్లో దరఖాస్తు చేసుకొని పరీక్ష రాయించాలని.. పరీక్షలో ప్రతిభ చూపిన విద్యార్థులకు సీట్లు వస్తాయన్నారు. కార్పొరేట్ స్థాయిలో విద్యను అందిస్తున్న తమ పాఠశాలకు విద్యార్థులను చేర్చాలని ప్రిన్సిపల్ వనజ ఈ సందర్భంగా తెలిపారు.
