..పక్క చిత్రంలో ఓ వ్యక్తి చేతిలో ఉన్నది పాము అనుకుంటున్నారా..? భయంలేకుండా చేతిలో పట్టుకున్నాడేంటి అనుకుంటున్నారా..? ఇది పాము కాదు, చాలా అరుదుగా దొరికే మలుగుపాపెర చేప! చాలా అరుదైన జాతి. చెరువులు, రిజర్వాయర్లలో ఉండే ఈ చేప, దొరికితే అదృష్టమే. అనేక ఔషధ గుణాలను సొంతం చేసుకున్న ఈ ఫిష్ ఆరోగ్యానికి ఎంతో మంచిది. దీనిని తింటే నడుం, మోకాళ్ల నొప్పులు ఇట్టే నయమైపోతాయి. శుక్రవారం మంథని మండలం అరెంద వద్ద సరస్వతీ బరాజ్ బ్యాక్ వాటర్లో శుక్రవారం రొయ్యల కోసం మంథని పట్టణం కూచిరాజ్పల్లికి చెందిన మత్స్యకారుడు చెన్నూరి సాయి పెట్టిన బుట్టలో చిక్కింది.
తొలుత పామే అనుకొని తీసేందుకు భయపడ్డ మత్స్యకారుడు, ఆ తర్వాత మలుగు పాపెరగా గుర్తించి పట్టుకొని తెగ సంబురపడిపోయాడు. అరుదుగా దొరికే చేపకావడం, ఆరోగ్యానికి మంచిది కావడంతో అక్కడున్నవారు ‘కాస్త డబ్బులెక్కువైనా ఇస్తం’ అని, చేపను తమకు విక్రయించాలని అడిగినా ఆ మత్స్యకారుడు ససేమిరా అన్నాడు.
– పెద్దపల్లి, ఏప్రిల్ 28(నమస్తే తెలంగాణ)