వాషింగ్టన్: మీరు టీనేజర్లా.. ఇంకా మీ కొవిడ్ వ్యాక్సిన్ ఫస్ట్ డోసు తీసుకోలేదా? అయితే వచ్చేయండి.. వ్యాక్సిన్తోపాటు ఖరీదైన గిఫ్ట్లూ ఫ్రీగా ఇస్తాం.. ఈ ప్రకటన చూడగానే ఎగిరి గంతేస్తున్నారా? ఇది నిజమే కానీ.. మన దగ్గర కాదు. అమెరికా రాజధాని వాషింగ్టన్ డీసీలో ఉన్న టీనేజర్లను వ్యాక్సిన్లు వేసుకునేలా ఎంకరేజ్ చేయడానికి అక్కడి అధికారులు పడుతున్న తిప్పలు. ఆపిల్ ఎయిర్పాడ్స్ ( Apple AirPods )ను ఫ్రీగా ఇవ్వడంతోపాటు అదృష్టం కలిసొస్తే 25 వేల డాలర్ల స్కాలర్షిప్ లేదా ఐప్యాడ్ కూడా దక్కుతుందని వాషింగ్టన్ డీసీ మేయర్ అయిన మేయర్ మురియల్ బౌజర్ ప్రకటించారు.
వాషింగ్టన్ డీసీతోపాటు చుట్టుపక్కల ఉన్న టీనేజర్లకు తొలి డోసు తీసుకుంటే ఎయిర్పాడ్స్, గిఫ్ట్కార్డులు, స్కాలర్షిప్పులు ఫ్రీ అని ఆయన చెప్పారు. ఇవాళ ఉదయం 10 గంటల నుంచి, డీసీ యువత (12-17) ఎవరైతే బ్రూక్లాండ్ ఎంఎస్, సౌసా ఎంఎస్, జాన్సన్ ఎంఎస్లలో వ్యాక్సిన్ తీసుకుంటారో వాళ్లకు ఎయిర్పాడ్స్ ఇస్తాం. అంతేకాదు 25 వేల డాలర్ల స్కాలర్షిప్, ఐప్యాడ్ గెలుచుకునే అవకాశం కూడా వాళ్లకు ఉంటుంది అని బౌజర్ ట్వీట్ చేశారు. మీరు స్టూడెంట్ అయి ఉండి.. వ్యాక్సిన్ తొలి డోసు వేసుకుంటే మాత్రమే ఈ ఆఫర్ వర్తిస్తుందని తెలిపారు.