Emergency Alert | యూకేలో ఎమ‌ర్జెన్సీ అల‌ర్ట్‌.. మూడు రోజులకు సరుకులు ఉంచుకోవాల‌న్న స‌ర్కారు..!

Emergency Alert | యూకే స‌ర్కారు (UK Govt) ఎమ‌ర్జెన్సీ అల‌ర్ట్ (Emergency Alert) జారీచేసింది. ఆ మేర‌కు వినూత్న ప్రచారాన్ని ప్రారంభించింది. తీవ్రమైన వాతావరణ పరిస్థితులు, కార్చిచ్చులు, సైబర్ దాడులు (Cyber Attacks), నిత్యావసర సేవలకు అంతరాయం కలిగించే ఎలాంటి పరిస్థితులనైనా తట్టుకునేలా సిద్ధంగా ఉండాలంటూ.. ‘బీ రెడీ (Be Ready)’ ప్రచారాన్ని మొదలుపెట్టింది.

Emergency Alert : యూకే స‌ర్కారు (UK Govt) ఎమ‌ర్జెన్సీ అల‌ర్ట్ (Emergency Alert) జారీచేసింది. ఆ మేర‌కు వినూత్న ప్రచారాన్ని ప్రారంభించింది. తీవ్రమైన వాతావరణ పరిస్థితులు, కార్చిచ్చులు, సైబర్ దాడులు (Cyber Attacks), నిత్యావసర సేవలకు అంతరాయం కలిగించే ఎలాంటి పరిస్థితులనైనా తట్టుకునేలా సిద్ధంగా ఉండాలంటూ.. ‘బీ రెడీ (Be Ready)’ ప్రచారాన్ని మొదలుపెట్టింది. ఆహారం, నీరు, విద్యుత్, డిజిటల్ చెల్లింపు వ్యవస్థలకు అంతరాయం కలిగితే కనీసం మూడురోజులు తట్టుకునేలా అవసరమైన సామగ్రిని ఇంట్లో ఉంచుకోవాలని ఆండీ బ‌ర్న్‌హామ్ ప్ర‌భుత్వం ప్రజలను అప్రమత్తం చేసింది.

తాగునీరు, ఆహార పదార్థాలు, విద్యుత్, ఇంటర్నెట్ లేనప్పుడు వార్తలు తెలుసుకోవడానికి రేడియో, డిజిటల్ పేమెంట్లు చేయలేని పరిస్థితుల్లో వాడుకోవడానికి కొంత నగదు, టార్చిలైట్లు, బ్యాటరీలు, దుప్పట్లు వంటి వాటిని అందుబాటులో ఉంచుకోవాలని యూకే ప్రభుత్వం సూచించింది. బీ రెడీ వెబ్‌సైట్‌లో నిత్యావసరాల జాబితాను షేర్ చేసింది. ప్రజలు ఒకేసారి మార్కెట్లలో వస్తువులను కొనేయాల్సిన పనిలేదని, ప్రతివారం షాపింగ్‌కు వెళ్లినప్పుడు కొద్దికొద్దిగా వస్తువులను సమకూర్చుకోవాలని సూచించింది. ప్రస్తుతం యూర‌ప్‌ వ్యాప్తంగా ప్రజలు నిరసనలను కొనసాగిస్తున్న‌ తరుణంలో ఈ ప్రచారాన్ని చేపట్టడం గమనార్హం.