Visit:
Donald Trump : పశ్చిమాసియాలో అమెరికా, ఇరాన్ మధ్య ఉద్రిక్తతలు మరోసాయి తారా స్థాయికి చేరేలా ఉన్నాయి. హర్మూజ్ జలసంధి విషయంలో ఇరుదేశాలు పట్టువీడకపోవడమే అందుకు కారణం. హర్మూజ్ను తమ భూభాగంగా ప్రకటించిన డొనాల్డ్ ట్రంప్ (Donald Trump) టెహ్రాన్పై ఆర్ధికపరమైన ఆంక్షలు విధిస్తామని హెచ్చరించారు. అయినా సరే ఇరాన్ మాత్రం వెరవడం లేదు. మరోసారి తమను భయపెట్టాలని చూస్తే విధ్వంసకరంగా బదులిస్తామని పేర్కొంది టెహ్రాన్.
ఆరు నెలలకు పైగా ప్రపంచ ఆర్ధిక వ్యవస్థపై ప్రభాం చూపిస్తోంది ఇరాన్ – ఇజ్రాయేల్ – అమెరికా యుద్ధం. అంతర్జాతీయ జల రవాణాలో కీలకమైన హర్మూజ్ జలసంధిపై ఇరాన్ పట్టు వదులుకునేందుకు సిద్ధంగా లేకపోవడం.. అమెరికా మాత్రం ఆ జలసంధిని తమ భూభాగంగా ప్రకటించడం తాజాగా మరింత ఉద్రిక్తతలకు ఆజ్యం పోశాయి.
BREAKING: Trump says he views Strait of Hormuz as ‘American territory’
🔴 LIVE updates: https://t.co/KCF1gmxLj6 pic.twitter.com/CtY2Xb32VG
— Al Jazeera Breaking News (@AJENews) August 21, 2026
ఈ నేపథ్యంలో ఇరాన్పై కొత్తగా విధించనున్న ఆర్ధికపరమైన ఆంక్షలను ఆగస్టు 24, సోమవారం వెల్లడిస్తామని అమెరికా ట్రెజరీ సెక్రటరీ స్కాట్ బెస్సెంట్ తెలిపారు. ‘ఒకట్రెండ్ పంచ్లు చాలు. ఇప్పటికే బ్లాకేడ్ కొనసాగుతోంది. చరిత్రలో చూడని విధంగా ఇరాన్పై ఆంక్షలు ఉంటాయి’ అని స్కాట్ పేర్కొన్నారు. ఇప్పటికే తమతో సరైన ఒప్పందం కుదుర్చుకునేందుకు ఇరాన్ సిద్ధంగా లేదని మండిపడుతున్న అధ్యక్షుడు డొనాల్డ్ ట్రంప్.. కఠిన చర్యలకు ఆదేశించారు.
#BreakingNews | Trump asserts the Strait of Hormuz as American territory, emphasizing a firm stance against Iran’s nuclear ambitions. As negotiations loom, tensions rise with the U.S. declaring Iran will never possess nuclear weapons, complicating potential deals between the… pic.twitter.com/uiCm0FonyX
— News18 (@CNNnews18) August 22, 2026
ఇరాన్కు ఏ విధంగానైనా సాయం చేస్తున్న దేశాలు ఆర్ధిక పర్యావసానాలు చవిచూస్తాయని ఆయన హెచ్చరించారు. అయితే.. ఇరాన్ సైనిక దళాల అధిపతి మేజర్ జనరల్ అలీ అబ్దొల్లాహి మాత్రం తాము అన్నిరకాల దాడులకు సిద్ధంగానే ఉన్నామని ట్రంప్ వార్నింగ్ను తిప్పి కొట్టారు. అమెరికా దాడులకు తెగబడితే మేము భూమి, జల, ఆకాశం.. సైబర్ మార్గాల్లో దాడులు చేస్తామని ఆయన తెలిపారు.
