ఇరాన్‌పై దాడి చేయమన్నది నువ్వే!

క్సెస్‌ వస్తే సొంత ఖాతాలో వేసుకోవడం, ఫెయిల్యూర్‌ ఎదురైతే ఆ నెపాన్ని ఇతరులపై మోపడం కొందరికి అలవాటు. అమెరికా అధ్యక్షుడు ట్రంప్‌ వైఖరి కూడా ఇలాగే తయారైంది.

• తన ఫెయిల్యూర్‌ను పీట్‌ హెగ్సెత్‌పై నెట్టేసిన ట్రంప్‌

(స్పెషల్‌ టాస్క్‌ బ్యూరో) న్యూఢిల్లీ/హైదరాబాద్‌, మార్చి 24 (నమస్తే తెలంగాణ): సక్సెస్‌ వస్తే సొంత ఖాతాలో వేసుకోవడం, ఫెయిల్యూర్‌ ఎదురైతే ఆ నెపాన్ని ఇతరులపై మోపడం కొందరికి అలవాటు. అమెరికా అధ్యక్షుడు ట్రంప్‌ వైఖరి కూడా ఇలాగే తయారైంది. ఇరాన్‌తో జరుగుతున్న యుద్ధంలో చేతులెత్తేసిన ట్రంప్‌పై సర్వత్రా ట్రోల్స్‌ నడుస్తున్నాయి. దీంతో నష్టనివారణ చర్యలకు దిగిన ఆయన.. ఆ నెపాన్ని అమెరికా రక్షణమంత్రి పీట్‌ హెగ్సెత్‌పై నెట్టేశారు. ఇరాన్‌పై దాడి చేయాలన్న ప్రతిపాదనకు తొలుత హెగ్సెత్‌ మద్దతు పలికినట్టు ట్రంప్‌ చెప్పుకొచ్చారు. ‘ఇరాన్‌ వద్ద అణ్వాయుధం ఉండకూడదు. కాబట్టి.. మనం దాడి చేద్దాం’ అని హెగ్సెత్‌ అన్నట్టు ట్రంప్‌ పేర్కొన్నారు.