న్యూఢిల్లీ, డిసెంబర్ 26: స్పేస్ ఎక్స్ సంస్థ ఇంటర్నేషనల్ స్పేస్ స్టేషన్(ఐఎస్ఎస్)కు డిటర్జెంట్ పౌడర్ను పంపించింది. వ్యోమగాములు తమ దుస్తులను తక్కువ నీటితో ఉతుక్కునేందుకు వీలుగా దీనిని ప్రత్యేకంగా తయారు చేశారు. ఇటీవలి కాలంలో అంతరిక్ష పరిశోధనలు బాగా పెరిగాయి. అక్కడికి వెళ్లిన వ్యోమగాములు దుస్తులను ఉతకడం వీలు కాకపోవడంతో వాడి వదిలేస్తున్నారు. వారి కోసం ప్రత్యేకంగా కార్గోల ద్వారా దుస్తులు పంపవలసి వస్తున్నది. దీంతో అంతరిక్షంలో వ్యర్థాలు పెరగడమే కాకుండా ఖర్చు కూడా ఎక్కువ అవుతున్నది. ఈ నేపథ్యంలోనే ‘టైడ్’ డిజర్జెంట్ పౌడర్ను తయారు చేశారు. ఈ డిజర్జెంట్ ఐఎస్ఎస్లో ఎలా పనిచేస్తుందో గమనించనున్నారు. అంతరిక్షంలోకి డిజర్జెంట్ పౌడర్ ప్రాజెక్టును జూన్లో ప్రకటించారు.