Shots fired | కెనడాలో హిందూ వ్యాపారి ఇంటిపై కాల్పుల మోత

Shots fired | కెనడా (Canada)లోని ఓ హిందూ వ్యాపారి (Hindu businessman) ఇంటిపై గుర్తుతెలియని దుండగులు కాల్పులకు తెగబడ్డారు.

Shots fired | కెనడా (Canada)లోని ఓ హిందూ వ్యాపారి (Hindu businessman) ఇంటిపై గుర్తుతెలియని దుండగులు కాల్పులకు తెగబడ్డారు. బ్రిటిష్‌ కొలంబియా ప్రావిన్స్‌లోని సర్రే (Surrey)లో బుధవారం ఉదయం 8 గంటల ప్రాంతంలో ఈ కాల్పుల ఘటన చోటు చేసుకుంది.

సుర్రే రాయల్‌ కెనడియన్‌ మౌంటెడ్‌ పోలీసులు తెలిపిన వివరాల ప్రకారం.. సుర్రేలోని లక్ష్మీ నారాయణ్‌ మందిర్‌ అధ్యక్షుడైన (Lakshmi Narayan Mandir president) సతీశ్‌ కుమార్‌ పెద్ద కుమారుడిని లక్ష్యంగా చేసుకొని దుండగులు ఆయన ఇంటిపై కాల్పులు జరిపారు. ఆ ఇంటిపై సుమారు 14 రౌండ్ల కాల్పులు జరిపారు. అయితే, అదృష్టవశాత్తూ ఈ ఘటనలో ఎవరికీ ఎలాంటి గాయాలూ కాలేదు. ఇల్లుమాత్రం తీవ్రంగా దెబ్బతిన్నట్లు పోలీసులు వివరించారు. సమాచారం అందుకున్న సుర్రే పోలీసులు వెంటనే ఘటనా స్థలానికి చేరుకుని పరిస్థితిని పరిశీలించారు.

కాగా, ఇటీవలే కాలంలో కెనడాలోని హిందూ కమ్యూనిటీలే లక్ష్యంగా దాడులు జరుగుతున్న విషయం తెలిసిందే. పలు ప్రాంతాల్లో హిందూ ఆలయాలను సైతం టార్గెట్‌ చేస్తున్నారు. పలు చోట్ల ఆలయాలను ధ్వంసం చేసిన వంటి ఘటనలు ఇప్పటికే అనేకం వెలుగులోకి వచ్చాయి. ఈ దాడుల వెనుక ఖలిస్తానీ తీవ్రవాద గ్రూపులు ఉన్నట్లు ఆరోపణలు వస్తున్నాయి. ఈ ఘటనలతో స్థానికంగా ఉంటున్న హిందువులు తీవ్ర భయాందోళనకు గురవుతున్నారు.

Also Read..

Storm Gerrit | బ్రిటన్‌ను వణికిస్తున్న గెరిట్‌ తుఫాను.. ల్యాండింగ్‌ సమయంలో కుదుపులకు లోనైన విమానం

Donald Trump | ట్రంప్‌కు మరో షాక్‌.. అధ్యక్ష ఎన్నికల్లో పోటీకి అనర్హుడిగా ప్రకటించిన మరో రాష్ట్రం

kids sleeping | కదులుతున్న కారుపై నిద్రిస్తున్న చిన్నారులు.. వీడియో వైరల్‌