Vladimir Putin | పోర్న్‌కు ప్రత్యామ్నాయం అవసరం.. అది అశ్లీలం కంటే ఆసక్తికరంగా ఉండాలి: పుతిన్‌

యువతకు వ్యసనంగా మారుతున్న పోర్నోగ్రఫీ సమస్య పరిష్కారానికి రష్యా అధ్యక్షుడు వ్లాదిమిర్‌ పుతిన్‌ తనదైన సూచనలు చేశారు. పోర్న్‌ కంటెంట్‌కు ప్రత్యామ్నాయంగా ప్రజలను ఆకర్షించే మరింత ఆసక్తికరమైన, ఉత్సాహవంతమైన కంటెంట్‌ను అభివృద్ధి చేయాల్సిన అవసరం ఉందని ఆయన పేర్కొన్నారు.

• అడల్ట్‌ కంటెంట్‌ ప్రపంచ సమస్య
• రష్యా అధ్యక్షుడు పుతిన్‌ వ్యాఖ్యలు

Vladimir Putin | మాస్కో: యువతకు వ్యసనంగా మారుతున్న పోర్నోగ్రఫీ సమస్య పరిష్కారానికి రష్యా అధ్యక్షుడు వ్లాదిమిర్‌ పుతిన్‌ తనదైన సూచనలు చేశారు. పోర్న్‌ కంటెంట్‌కు ప్రత్యామ్నాయంగా ప్రజలను ఆకర్షించే మరింత ఆసక్తికరమైన, ఉత్సాహవంతమైన కంటెంట్‌ను అభివృద్ధి చేయాల్సిన అవసరం ఉందని ఆయన పేర్కొన్నారు. గురువారం ‘రష్యా టుడే’కు ఇచ్చిన ఇంటర్వ్యూలో ఆయన పోర్నోగ్రఫీపై తన అభిప్రాయాలను పంచుకున్నారు.

అడల్డ్‌ కంటెంట్‌కు రష్యాలోనే కాకుండా ప్రపంచవ్యాప్తంగా ఆదరణ పెరుగుతున్నదని, ఇది ప్రపంచమంతటి సమస్య అని అంగీకరించారు. పోర్న్‌ కంటెంట్‌ను నిషేధించడం అనేది ఈ సమస్య నివారణకు ఒక మార్గమని, అయితే పోర్న్‌ కంటెంట్‌ కంటే మరింత ఆకర్షణీయమైన ప్రత్యామ్నాయాలు చూపించడం ముఖ్యమని ఆయన అన్నారు. రష్యాలో తగ్గిపోతున్న జననాల రేటును పెంచేందుకు పుతిన్‌ ఇటీవల చేసిన సూచనలు సైతం చర్చనీయాంశంగా మారిన సంగతి తెలిసిందే. పని చేసేవారు లంచ్‌, కాఫీ బ్రేక్‌లలో శృంగారంలో పాల్గొని పిల్లల్ని కనాలని పిలుపునిచ్చారు.