Donald Trump | ట్రంప్‌ ఆరోగ్యంపై కొత్త సందేహాలు!

ఈ ఏడాది జూన్‌లో 80 వసంతాలు పూర్తి చేసుకున్న అమెరికా అధ్యక్షుడు డొనాల్డ్‌ ట్రంప్‌ ఆరోగ్య పరిస్థితిపై మళ్లీ ప్రశ్నలు తలెత్తాయి. ట్రంప్‌ ఆరోగ్యంపై వైట్‌హౌస్‌ బహిర్గతం చేసిన వైద్య సమాచారం సరిపోదని కార్డియాలజిస్ట్‌ డాక్టర్‌ జోనాథన్‌ రైనర్‌ ప్రశ్నించడమే ఇందుకు కారణం.

వాషింగ్టన్‌: ఈ ఏడాది జూన్‌లో 80 వసంతాలు పూర్తి చేసుకున్న అమెరికా అధ్యక్షుడు డొనాల్డ్‌ ట్రంప్‌ ఆరోగ్య పరిస్థితిపై మళ్లీ ప్రశ్నలు తలెత్తాయి. ట్రంప్‌ ఆరోగ్యంపై వైట్‌హౌస్‌ బహిర్గతం చేసిన వైద్య సమాచారం సరిపోదని కార్డియాలజిస్ట్‌ డాక్టర్‌ జోనాథన్‌ రైనర్‌ ప్రశ్నించడమే ఇందుకు కారణం. అయితే ట్రంప్‌ అద్భుతంగా ఉన్నారని, బాధ్యతలు నిర్వహించడానికి పూర్తి ఆరోగ్యంతో ఉన్నారని వైట్‌హౌస్‌ వైద్యుడు బార్బబెల్లా పదేపదే చెప్తూ వస్తున్నారు.

వాల్టర్‌ రీడ్‌లో మూడు గంటలు జరిగిన ఈ వైద్య పరీక్షల్లో 22 మంది నిపుణులు పాల్గొన్నారు. గుండె, ఇమేజింగ్‌, క్యాన్సర్‌ స్క్రీనింగ్‌ తదితర పరీక్షలు చేశారు. అయితే ట్రంప్‌ చేతులపై ఉన్న గాయాల గుర్తులు, కాళ్లలో వాపు, ఆయన మెలకువగా ఉండటానికి ఇబ్బంది పడుతున్నట్టు కనిపించిన సందర్భాలను జోనాథన్‌ ఎత్తిచూపారు.