యుద్ధం మానవాళిని వెనక్కి నెడుతుంది

యుద్ధంలోని ప్రతి రోజూ మానవాళిని వెనక్కి నెట్టేస్తుందని, శత్రుత్వాన్ని అంతం చేసుకొనేందుకు కృషి చేయాలని ప్రధాని మోదీ రష్యా అధ్యక్షుడు పుతిన్‌తో అన్నారు. బిష్‌కెక్‌లో సోమవారం జరిగిన షాంఘై సహకార సంస్థ సదస్సులో పుతిన్‌ను కలిసిన సందర్భంగా మోదీ ఈ వ్యాఖ్యలు చేశారు.

• పుతిన్‌తో ప్రధాని మోదీ

బిష్‌కెక్‌: యుద్ధంలోని ప్రతి రోజూ మానవాళిని వెనక్కి నెట్టేస్తుందని, శత్రుత్వాన్ని అంతం చేసుకొనేందుకు కృషి చేయాలని ప్రధాని మోదీ రష్యా అధ్యక్షుడు పుతిన్‌తో అన్నారు. బిష్‌కెక్‌లో సోమవారం జరిగిన షాంఘై సహకార సంస్థ సదస్సులో పుతిన్‌ను కలిసిన సందర్భంగా మోదీ ఈ వ్యాఖ్యలు చేశారు. ఉక్రెయిన్‌తో ఉన్న విరోధాన్ని పరిష్కరించుకొనేందుకు చేసే అన్ని శాంతియుత ప్రయత్నాలకు భారత్‌ మద్దతు ఉంటుందని మోదీ ఈ సందర్భంగా పునరుద్ఘాటించారు. మోదీ వ్యక్తిగత శ్రద్ధ కారణంగా రష్యా-భారత్‌ సంబంధాలు బలోపేతమవుతున్నాయని పుతిన్‌ అన్నారు.

ఇరాన్‌ అధ్యక్షుడితో భేటీ
ఇరాన్‌ అధ్యక్షుడు పెజిష్కియాన్‌తో ప్రధాని మోదీ ప్రత్యేకంగా భేటీ అయ్యారు. పశ్చిమాసియా పరిణామాలు, ప్రాంతీయ శాంతి, భద్రతల గురించి ఇరువురు నేతలు చర్చించినట్టు తెలిసింది.