Malawi | మిస్సైన సైనిక విమానం దట్టమైన అడవిలో కూలిపోయి ఉండొచ్చు : మలావీ మిలటరీ

Malawi | మలావీ ఉపాధ్యక్షుడు 51 ఏళ్ల సౌలోస్‌ చిలిమా (Saulos Klaus Chilima) ప్రయాణిస్తున్న మిలిటరీ విమానం దట్టమైన అడవిలో కూలిపోయి ఉండొచ్చని (May Have Crashed) మిలటరీ మంగళవారం తెలిపింది.

Malawi | మలావీ ఉపాధ్యక్షుడు 51 ఏళ్ల సౌలోస్‌ చిలిమా (Saulos Klaus Chilima) ప్రయాణిస్తున్న మిలిటరీ విమానం సోమవారం అదృశ్యమైన విషయం తెలిసిందే. విమానం అదృశ్యమై దాదాపు 24 గంటలు గడుస్తున్నా ఇప్పటికీ ఆచూకీ లభ్యం కాలేదు. దీంతో విమానం దట్టమైన అడవిలో కూలిపోయి ఉండొచ్చని (May Have Crashed) మలావీ మిలటరీ మంగళవారం తెలిపింది. చికన్‌గావా ఫారెస్ట్‌ చుట్టూ దట్టమైన పొగమంచు వాతావరణం కారణంగా రెస్క్యూ ఆపరేషన్‌కు ఆటంకం ఏర్పడుతోందని సైనిక అధికారి పాల్‌ వాలెంటినో ఫిరి పేర్కొన్నారు.

చిలిమాతోపాటు మరో తొమ్మిది మందితో సైనిక విమానం సోమవారం ఉదయం 09:17 గంటల సమయంలో రాజధాని నగరం లిలోన్‌గ్వే నుంచి బయలుదేరింది. ఈ విమానం 10:02 గంటలకు 370 కిలోమీటర్ల దూరంలోని జుజు అంతర్జాతీయ విమానాశ్రయంలో (Mzuzu airport) దిగాల్సి ఉంది. కానీ ప్రతికూల వాతావరణ పరిస్థితుల కారణంగా దృశ్యమానత సరిగా లేకపోవడంతో విమానం ల్యాండింగ్‌కు ఇబ్బందులు తలెత్తాయి. దీంతో అధికారులు తిరిగి రాజధానికి రావాల్సిందిగా ఆదేశించారు. ఆ తర్వాత కొద్దిసేపటికే రాడార్‌తో దీని సంబంధాలు తెగిపోయాయి. వెంటనే రంగంలోకి దిగిన అధికారులు విమానం జాడ కోసం విస్తృతంగా గాలింపు చర్యలు మొదలు పెట్టారు.

Also Read..

Parliament session | ఈ నెల 24 నుంచి పార్లమెంట్‌ ప్రత్యేక సమావేశాలు.. ఆరోజే లోక్‌సభ స్పీకర్‌ ఎన్నిక!

Toll Booth | ట్యాక్స్‌ చెల్లించమన్నందుకు టోల్‌ బూత్‌ను బుల్డోజర్‌తో ధ్వంసం చేసిన డ్రైవర్‌.. VIDEO

Badrinath | బద్రినాథ్‌ ధామ్‌కు పోటెత్తుతున్న భక్తులు.. నెలలోపే 5 లక్షల మంది విజిట్‌