స్కూల్‌ పైకప్పు కూలి 34 మంది విద్యార్థులు మృతి

పాకిస్థాన్‌లోని పెషావర్‌లో అల్‌-ఖైర్‌ స్కూల్‌ పైకప్పు కూలి 34 మంది విద్యార్థులు, ఓ టీచర్‌ మరణించారు. బుధవారం ఉదయం స్కూల్‌లో తరగతులు జరుగుతున్న సమయంలో ఒక్కసారిగా పైకప్పు కూలిపోయింది.

ఇస్లామాబాద్‌ : పాకిస్థాన్‌లోని పెషావర్‌లో అల్‌-ఖైర్‌ స్కూల్‌ పైకప్పు కూలి 34 మంది విద్యార్థులు, ఓ టీచర్‌ మరణించారు. బుధవారం ఉదయం స్కూల్‌లో తరగతులు జరుగుతున్న సమయంలో ఒక్కసారిగా పైకప్పు కూలిపోయింది. ఈ ఘటనలో ఓ మహిళా టీచర్‌ సహా 34 మంది విద్యార్థులు చనిపోయారు.

ఇందులో ఎక్కువగా ఏడేండ్ల నుంచి 13 ఏండ్ల వయసు వారే ఉన్నట్టు లేడీ-రీడింగ్‌ దవాఖాన తెలిపింది. మరో 40 మందికి పైగా తీవ్ర గాయాలు కాగా, అందులో ఐదుగురి పరిస్థితి విషమంగా ఉన్నట్టు డాక్టర్లు చెప్పారు.