న్యూఢిల్లీ: ఒమిక్రాన్ కరోనా వేరియంట్ ఎందుకు ఎక్కువగా వ్యాప్తి చెందుతుందో ఓ క్లారిటీ వచ్చింది. ఆ వేరియంట్ మానవ చర్మంపై 21 గంటల పాటు సజీవంగా ఉంటోంది. అంతేకాదు ఇక ప్లాస్టిక్పై ఆ వేరియంట్ లైఫ్ 8 రోజులని ఓ స్టడీ తేల్చింది. జపాన్కు చెందిన క్యోటో యూనివర్సిటీ పరిశోధకులు ఈ విషయాన్ని తేల్చారు. వుహాన్లో పుట్టిన సార్స్ సీఓవీ2 ఒరిజినల్ వేరియంట్తో పాటు ఇతర వేరియంట్లపై నిర్వహించిన స్టడీ ఆధారంగా ఈ నిర్ధారణకు వచ్చారు. ఆల్ఫా, బీటా, డెల్టా, ఒమిక్రాన్ వేరియంట్లు.. ఒరిజినల్తో పోలిస్తే రెండు రెట్లు అధిక లైఫ్ ఉన్నట్లు గుర్తించారు. ప్రతికూల వాతావరణంలోనూ వ్యాప్తి ఎలా ఉంటుందన్న కోణంలో అధ్యయనం చేపట్టారు. అయితే దాంట్లో ఒమిక్రాన్ వేరియంట్కే ఎక్కువ సామర్ద్యం ఉన్నట్లు తేలింది. అందువల్లే అది డెల్లా వేరియంట్ను కూడా దాటి వేసినట్లు పరిశోధకులు చెబుతున్నారు.
ప్లాస్టిక్ సర్ఫేస్లపై ఒరిజినల్ వేరియంట్ 56 గంటలు, ఆల్ఫా 191.3, బీటా 156.6, గామా, 59.3, డెల్టా వేరియంట్ 114 గంటలు ఉన్నట్లు తేలింది. అయితే పరిశోధకులు మాత్రం ఒమిక్రాన్ వేరియంట్ .. ప్లాస్టిక్పై 193.5 గంటల పాటు సజీవంగా ఉండనున్నట్లు తెలిపారు. చర్మంపై ఉన్న వివిధ వేరియంట్ శ్యాంపిళ్లను కూడా స్టడీ చేశారు. ఒరిజినల్ వైరస్ చర్మంపై 8.6 గంటలు సజీవంగా ఉంటుంది. ఆల్ఫా 19.6 గంటలు, బీటా 19.1 గంటలు, గామా 11 గంటలు, డెల్టా 16.8 గంటలు, డెల్టా వేరియంట్ 21.1 గంటలు చర్మంపై సజీవంగా ఉంటుంది.