Nvidia CEO Jensen Huang: ఎన్విడియా సీఈవో జేన్‌స‌న్‌పై ద‌ర్యాప్తు.. షాక్‌లో టెకీ ప్ర‌పంచం

Nvidia CEO Jensen Huang: టెకీ ప్ర‌పంచం షాక్‌లోకి వెళ్లింది. అమెరికాకు చెందిన ఎన్విడియా కంపెనీ సీఈవో జేన్‌సేన్ హువాంగ్‌పై వ్య‌క్తిగ‌త ద‌ర్యాప్తు మొద‌లుపెట్టారు. చైనీస్ గూఢాచారితో ఆయ‌న రిలేష‌న్‌లో ఉన్న‌ట్లు అనుమానాలు వ్య‌క్తం కావ‌డంతో బోర్డు ఆ నిర్ణ‌యం తీసుకున్న‌ది.

న్యూయార్క్‌: టెకీ ప్ర‌పంచంలో సంచ‌ల‌న ఘ‌ట‌న జ‌రిగింది. అమెరికాకు చెందిన ఎన్విడియా కంపెనీ సీఈవో జేన్‌సేన్ హువాంగ్‌(Nvidia CEO Jensen Huang)పై వ్య‌క్తిగ‌త ద‌ర్యాప్తు మొద‌లుపెట్టారు. చైనీస్ గూఢాచారితో ఆయ‌న రిలేష‌న్‌లో ఉన్న‌ట్లు అనుమానాలు వ్య‌క్తం అయ్యాయి. ఈ నేప‌థ్యంలో కంపెనీ బోర్డు స‌భ్యులు ద‌ర్యాప్తున‌కు పూనుకున్నారు. ప్ర‌పంచ‌వ్యాప్తంగా ఎన్వీడియా కంపెనీకి విశేష‌మైన గుర్తింపు ఉన్న‌ది. అయితే కంపెనీ కానీ, దేశ ర‌హ‌స్యాలు బ‌య‌ట‌కు పొక్క‌డాన్ని వ్య‌తిరేకిస్తున్న‌ట్లు బోర్డ్ ఆఫ్ డైరెక్ట‌ర్లు తెలిపారు. ఇక తాను మ‌రో వ్య‌క్తితో రిలేష‌న్‌లో ఉన్న‌ట్లు జేన్‌సేన్ అంగీక‌రించారు. ఈ నేప‌థ్యంలో ఆయ‌న త‌న భార్య‌, పిల్ల‌ల‌కు క్ష‌మాప‌ణ‌లు చెప్పారు.

చైనీస్ వ్యాపారి అలిస్ హువాంగ్‌తో జేన్‌సేన్ వివాహేత‌ర సంబంధాన్ని కొన‌సాగించిన‌ట్లు అమెరికా ఇంటెలిజెన్స్ వ‌ర్గాలు పేర్కొన్నాయి. అయితే అలిస్ హువాంగ్‌.. బీజింగ్ స్పై అంటూ ఇటీవ‌ల అమెరికా మీడియాలో క‌థ‌నం ప్ర‌చురిత‌మైంది. తాను చేసిన ప‌నికి పూర్తి బాధ్య‌త‌ల‌ను తీసుకోనున్న‌ట్లు జేన్‌సేన్ ప్ర‌క‌టించారు. ఎన్విడియా కంపెనీ ఉద్యోగుల బాధ్య‌త‌ల‌ను నిర్వ‌ర్తించ‌డంలో విఫ‌ల‌మైన‌ట్లు ఆయ‌న అంగీక‌రించారు.

ప్ర‌పంచంలోనే అతి పెద్ద టెకీ కంపెనీల్లో ఎన్వీడియా ఒక‌టి. ప్ర‌స్తుతం అభివృధ్ధిలో ఉన్న ఆర్టిఫిషియ‌ల్ ఇంటెలిజెన్స్ కు చెందిన హార్డ్‌వేర్‌ను ఆ కంపెనీ రూపొందిస్తుంది. ఆ కంపెనీలో గ‌త 30 ఏళ్లుగా జేన్‌సేన్ ఇంచార్జీగా ఉన్నారు. తైవాన్‌లో ఆయ‌న జ‌న్మించారు. తొమ్మిదేళ్ల వ‌య‌సులో ఆయ‌న ఫ్యామిలీతో అమెరికాకు వ‌ల‌స‌వెళ్లారు. ఓరేగాన్ స్టేట్‌ యూనివ‌ర్సిటీలో ఆయ‌న గ్రాడ్యుయేష‌న్ చేశారు. స్టాన్‌ఫ‌ర్డ్ యూనివ‌ర్సిటీలో ఎల‌క్ట్రిక‌ల్ ఇంజినీరింగ్‌లో మాస్ట‌ర్స్ డిగ్రీ చేశారు. ల్యాబ్ పార్ట్న‌ర్ లోరి మిల్స్‌ను ఆయ‌న పెళ్లాడు. ఆమె కూడా ఎల‌క్ట్రిక‌ల్ ఇంజినీర్‌. ఆ జంట‌కు ఇద్ద‌రు సంతానం.

1993లో ఎన్విడియాను హువాంగ్ స్థాపించారు. దానికి ముందు ఆయ‌న ఏఎండీ చిప్ త‌యారీ కంపెనీలో చేశారు. గ్రాఫిక్స్‌ను ప్రాసెసింగ్ చేసే కంపెనీగా ఎన్వీడియాకు పేరున్న‌ది. కంప్యూట‌ర్ గేమ్స్‌కు కీల‌క‌మైన టెక్నాల‌జీని ఆ కంపెనీ త‌యారు చేస్తుంది. ప్ర‌స్తుతం ఆ కంపెనీ త‌న ఫోక‌స్‌ను ఏఐకి మార్చింది. ఎన్వీడియా మైక్రోచిప్ కంపెనీ విలువ సుమారు 4.5 ట్రిలియ‌న్ల డాల‌ర్లు. ఓపెన్ఏఐ, మెటా సంస్థ‌ల‌కు చిప్‌ల‌ను డెవ‌ల‌ప్ చేసి ఇస్తుంది.

విదేశీ ఇంటెలిజెన్స్‌తో సంబంధాలు ఉన్న నేప‌థ్యంలో జేన్‌షేన్ హువాంగ్‌ను విచారించ‌నున్న‌ట్లు ఎన్వీడియా బోర్డు డైరెక్ట‌ర్లు ఓ ప్ర‌క‌ట‌న‌లో తెలిపారు. అపార అనుభ‌వం, విశేష గుర్తింపు ఉన్న జేన్‌సేన్ హువాంగ్‌పై ఆ కంపెనీ ద‌ర్యాప్తు చేప‌ట్ట‌డం టెకీ ప్ర‌పంచం నివ్వెర‌పోతున్న‌ది. ప్ర‌స్తుతానికి కంపెనీ లీడ‌ర్‌షిప్‌లో ఆయ‌నే కొన‌సాగ‌నున్న‌ట్లు బోర్డు పేర్కొన్న‌ది.