24 మందితో న్యూయార్క్ స్టాక్ ఎక్స్ఛేంజ్‌.. చ‌రిత్ర‌లో ఈ రోజు

కేవ‌లం 24 మందితో న్యూయార్క్ స్టాక్ ఎక్స్చేంజీ (ఎన్‌వైఎస్ఈ) 1792 లో స‌రిగ్గా ఇదే రోజున ప్రారంభ‌మైంది

May 17, 2021 / 01:02 PM IST

24 మందితో న్యూయార్క్ స్టాక్ ఎక్స్ఛేంజ్‌.. చ‌రిత్ర‌లో ఈ రోజు

కేవ‌లం 24 మందితో న్యూయార్క్ స్టాక్ ఎక్స్చేంజీ (ఎన్‌వైఎస్ఈ) 1792 లో స‌రిగ్గా ఇదే రోజున ప్రారంభ‌మైంది. హోట‌ల్ గ‌ది ఈ స్టాక్ ఎక్స్చేంజ్ ప్ర‌స్తుతం ప్రపంచంలోనే అతిపెద్ద స్టాక్ ఎక్స్ఛేంజ్‌గా వెలుగొందుతున్న‌ది. ఈ స్టాక్ ఎక్స్ఛేంజ్‌లో 2 వేలకు పైగా కంపెనీలు నమోద‌య్యాయి. మార్కెట్ క్యాపిటలైజేషన్ పరంగా ఇది ప్రపంచంలోనే అతిపెద్ద స్టాక్ ఎక్స్ఛేంజ్. ప్రతిరోజూ 9 మిలియన్లకు పైగా స్టాక్స్, సెక్యూరిటీలు వ్యాపారం జ‌రుగుతాయి. అందుకే ఎన్‌వైఎస్ఈని ‘ది బిగ్ బోర్డ్’ అని కూడా పిలుస్తారు.

దీన్ని ప్రారంభించిన వారందరూ న్యూయార్క్‌లో బాండ్లు, సెక్యూరిటీల వ్యాపారం చేసేవారు. వీరంతా న్యూయార్క్‌లోని ఒక హోటల్ గ‌దిలో కలుసుకుని త‌మ‌తమ‌ వ్యాపారాల‌ను మరింత సురక్షితంగా, మెరుగ్గా జ‌రుపుకోవాల‌నే దానిపై చ‌ర్చించారు. ఆ చ‌ర్చ‌ల నుంచే ఎన్‌వైఎస్ఈ పురుడుపోసుకున్న‌ది.

ఈ 24 మంది వ్యాపారులు ఒక ఒప్పందంపై సంతకం చేశారు. దీనికి బటన్వుడ్ ఒప్పందం అని పేరు పెట్టారు. ఈ ఒప్పందంలో సెక్యూరిటీల వ్యాపారానికి సంబంధించిన నియమాలు ఉన్నాయి. వాస్తవానికి, ఈ ఒప్పందం ఒక తోటలోని బటన్వుడ్ చెట్టు కింద సంతకం చేయబడింది, అందుకే దీనికి బటన్వుడ్ ఒప్పందం అని పేరు పెట్టారు.

తొలుత‌ 2 బ్యాంక్ బాండ్లు, 3 ప్రభుత్వ బాండ్లతో వ్యాపారాన్ని ప్రారంభించారు. 1967 లో మురల్ సీబర్ట్ అనే మహిళ ఈ స్టాక్ ఎంక్స్చేంజ్‌లో వ్యాపారం చేసి వినుతికెక్కారు. 2007 లో ఎన్‌వైఎస్ఈ, యూర‌ప్‌ స్టాక్ ఎక్స్ఛేంజ్ ‘యూరోనెక్స్ట్’ విలీనమ‌య్యాయి. మరుసటి సంవత్సరం యూఎస్‌ స్టాక్ ఎక్స్ఛేంజ్ ను కూడా సొంతం చేసుకుంది.