Armenia | గ్యాస్‌ స్టేషన్‌లో భారీ పేలుడు.. 20 మంది మృతి.. 300 మందికి గాయాలు

Armenia | అర్మేనియా (Armenia)లో ఘోర ప్రమాదం చోటు చేసుకుంది. గ్యాస్‌ స్టేషన్‌లో పేలుడు (fuel depot blast ) సంభవించింది. ఈ ఘటనలో సుమారు 20 మంది ప్రాణాలు కోల్పోగా.. 300 మంది తీవ్రంగా గాయపడ్డారు.

Armenia | అర్మేనియా (Armenia)లో ఘోర ప్రమాదం చోటు చేసుకుంది. గ్యాస్‌ స్టేషన్‌లో పేలుడు (fuel depot blast ) సంభవించింది. ఈ ఘటనలో సుమారు 20 మంది ప్రాణాలు కోల్పోగా.. 300 మంది తీవ్రంగా గాయపడ్డారు. క్షతగాత్రులను సమీపంలోని ఆసుపత్రులకు తరలించి చికిత్స అందిస్తున్నారు. వీరిలో చాలా మంది పరిస్థితి విషమంగా ఉన్నట్లు స్థానిక అధికారులు వెల్లడించారు. ఈ ఘటన నాగర్నో-కారాబఖ్‌ (Nagorno-Karabakh) ప్రాంతంలో మంగళవారం చోటు చేసుకుంది.

కాగా, నాగర్నో-కారాబఖ్‌ (Nagorno-Karabakh) ప్రాంతంలో అర్మేనియా సైనికుల (Armenian Forces)పై అజర్‌బైజాన్‌ సైన్యం (Azerbaijan Military) గత కొన్ని రోజులుగా దాడులకు పాల్పడుతోంది. మూడు దశాబ్దాల వేర్పాటువాద పాలన తరువాత అజర్‌బైజాన్ సైన్యం ఈ ప్రాంతాన్ని పూర్తిగా తిరిగి స్వాధీనం చేసుకునేందుకు వేగవంతమైన ఆపరేషన్ ప్రారంభించింది. దీంతో ఆ ప్రాంతంలో ఆర్మేనియా-అజర్‌బైజాన్‌ సైన్యం మధ్య ఘర్షణలు చోటు చేసుకున్నాయి. ఈ క్రమంలోనే వేలాదిమంది ప్రజలు ఆ ప్రాంతాన్ని వీడి అర్మేనియాకు తరలిపోతున్నారు. దీంతో ఆ ప్రాంతంలోని రహదారులన్నీ రద్దీగా మారాయి. ఈ క్రమంలోనే మార్గం మధ్యలో ఓ గ్యాస్‌ స్టేషన్‌ వద్ద ఇంధనం కోసం వాహనదారులు క్యూ కట్టారు. ఆ సమయంలో అక్కడ ఒక్కసారిగా భారీ పేలుడు సంభవించింది. ఈ ఘటనలో ఇప్పటి వకూ 20 మంది ప్రాణాలు కోల్పోయారు. 300 మంది గాయపడ్డారు. అర్మేనియన్ ప్రభుత్వ లెక్కల ప్రకారం.. ఉద్రిక్త పరిస్థితుల కారణంగా సోమవారం సాయంత్రం వరకు 6,500 మంది నగర్నో-కరాబఖ్ నివాసితులు ఆర్మేనియాకి తరలిపోయారు.

Also Read..

Anand Mahindra | ఆనంద్‌ మహీంద్రాపై చీటింగ్‌ కేసు నమోదు

India-Canada | తీవ్రవాదులకు అడ్డాగా మారిన కెనడా.. భారత్‌కు మద్దతుగా నిలిచిన శ్రీలంక

Viral News | యువకుడిలా కనిపించేందుకు రోజూ 111 మాత్రలు.. రూ.16 కోట్లు ఖర్చు చేస్తున్న మిలియనీర్‌