Julian Assange | బ్రిటన్‌ జైలు నుంచి అసాంజే విడుదల.. నేడు కోర్టులో హాజరు.. ఆపై ఆస్ట్రేలియాకు పయనం

Julian Assange | వికిలీక్స్‌ వ్యవస్థాపకుడు జూలియన్‌ అసాంజే ఎట్టకేలకు జైలు నుంచి విడుదలయ్యారు. అమెరికా ప్రభుత్వం మోపిన గూఢచర్యం అభియోగాలు ఎదుర్కొంటున్న అసాంజే 2019 నుంచి లండన్‌లోని ఓ జైలులో ఉన్నారు.

• నేరాంగీకారానికి అమెరికాతో ముందస్తు ఒప్పందం

లండన్‌, జూన్‌ 25: వికిలీక్స్‌ వ్యవస్థాపకుడు జూలియన్‌ అసాంజే ఎట్టకేలకు జైలు నుంచి విడుదలయ్యారు. అమెరికా ప్రభుత్వం మోపిన గూఢచర్యం అభియోగాలు ఎదుర్కొంటున్న అసాంజే 2019 నుంచి లండన్‌లోని ఓ జైలులో ఉన్నారు.

అమెరికాతో జరిగిన ముందస్తు ఒప్పందం ప్రకారం అసాంజేను పసిఫిక్‌ మహాసముద్రంలోని మరియానా దీవులకు తరలిస్తారు. సైపాన్‌ నగరంలోని ఓ కోర్టులో బుధవారం ఆయనను ప్రవేశపెడతారు. అక్కడ అసాంజే తన నేరాన్ని అంగీకరించిన అనంతరం ఆయనను తన స్వదేశమైన ఆస్ట్రేలియాకు తరలిస్తారు. ఇంతకాలం లండన్‌లో శరణార్థులుగా ఉన్న అసాంజే సతీమణి, ఆయన పిల్లలు మంగళవారం ఆస్ట్రేలియా బయలుదేరి వెళ్లారు.