లండన్: బ్రిటన్ ప్రధాని రిషి సునాక్(Rishi Sunak) వాహన శ్రేణి డౌనింగ్ స్ట్రీట్కు వెళ్తున్న సమయంలో.. స్థానిక పోలీసులు ఆ కాన్వాయ్ వద్ద జాగింగ్ చేస్తూ కనిపించారు. దీనికి సంబంధించిన వీడియో ఒకటి ఇప్పుడు వైరల్ అవుతోంది. భద్రతలో భాగంగా సునాక్ కాన్వాయ్ వెంట జాగింగ్ చేస్తున్న పోలీసులపై ప్రస్తుతం ఆన్లైన్లో తీవ్ర విమర్శలు వెల్లువెత్తుతున్నాయి. నార్త్ కొరియా నేత కిమ్ జాంగ్ ఉన్ వాహనానికి రక్షణ కల్పించినట్లు బ్రిటన్ ప్రధాని కూడా పోలీసులు డ్రిల్ చేస్తున్నట్లు ఆరోపణలు వస్తున్నాయి.
Is this really necessary? 😳
Look at how @RishiSunak gets escorted through London. pic.twitter.com/O6VaiNneyV
— Charlotte, The Baroness 💫 (@CharlotteEmmaUK) April 24, 2023
నాలుగు రేంజ్ రోవర్ కార్లు డౌనింగ్ స్ట్రీట్లోకి వెళ్లడానికి ముందు కొందరు పోలీసులు సైకిళ్లపై వచ్చి రోడ్డు మీద ఉన్న జనాల్ని క్లియర్ చేసే ప్రయత్నం చేశారు. ఆ తర్వాత కాన్వాయ్ లోపలికి వెళ్తున్న సమయంలో కొంత మంది పోలీసులు ఎస్కార్ట్గా జాగింగ్ చేస్తూ కనిపించారు. కాన్వాయ్లో ఉంది ప్రధాని రిషి సునాక్ అని చెప్పడంతో కొందరు ఆందోళన వ్యక్తం చేశారు. ప్రధానిగా రిషి తమకు అవసరం లేదని ఓ వ్యక్తి అన్నారు.