Laugh Daily | రోజులో ఒక్కసారైనా నవ్వాల్సిందే.. కొత్త చట్టం తీసుకొచ్చిన జపాన్‌

Laugh Daily | జపాన్‌ (Japan) ప్రభుత్వం మాత్రం ప్రతి రోజూ అందరూ నవ్వాలని (laugh) చట్టం తీసుకొచ్చింది.

Laugh Daily | ఏ ప్రభుత్వమైనా ప్రజలకు ఉపయోగపడే, నేరాలను అరికట్టే చట్టాలను అమల్లోకి తెస్తారు. అయితే, జపాన్‌ (Japan) ప్రభుత్వం మాత్రం ప్రతి రోజూ అందరూ నవ్వాలని (laugh) చట్టం తీసుకొచ్చింది. యమగట ప్రిఫెక్చర్‌ (Yamagata prefecture) ప్రభుత్వం ‘లాఫింగ్‌ లా’ని తీసుకొచ్చింది. ఈ మేరకు ఆర్డినెన్స్‌ జారీ చేసింది. పౌరుల శారీరక, మానసిక ఆరోగ్యం కోసమే ఈ నిర్ణయం తీసుకున్నట్లు తెలిపింది.

నవ్వడం ఆరోగ్యానికి మంచిది అంటారు. ఈ క్రమంలో యమగట విశ్వవిద్యాలయంలోని ‘ఫ్యాక్టరీ ఆఫ్‌ మెడిసిన్‌’ చేసిన పరిశోధనల్లో తక్కువగా నవ్వే వారిలో కొంతమంది వివిధ వ్యాధులతో మరణిస్తున్నారని తేలింది. ఈ పరిశోధన నేపథ్యంలో ప్రభుత్వం ఈ నిర్ణయం తీసుకుంది. రోజులో ఒక్కసారి (Laugh Daily) తప్పకుండా నవ్వాలని చట్టం తీసుకొచ్చింది. పని ప్రదేశంలో నవ్వుతో కూడిన వాతావరణాన్ని ప్రోత్సహించాలంటూ కంపెనీలను కూడా ఆదేశించడం విశేషం. ప్రతినెలా ఎనిమిదో తేదీని ప్రత్యేకంగా ‘హాస్యంతో ఆరోగ్యం’ కోసం కేటాయించాలని సూచించింది.

అయితే, ఈ చట్టంపై స్థానికంగా తీవ్ర వ్యతిరేకత వ్యక్తమవుతోంది. నవ్వొస్తే నవ్వుతారు కానీ కచ్చితంగా రోజులో ఒకసారైనా నవ్వాల్సిందేనని చట్టం తేవడమేంటి అని జపాన్ కమ్యూనిస్టు పార్టీ నేతలు విమర్శిస్తున్నారు. వ్యక్తిగత కారణాల వల్ల కొంతమంది నవ్వలేకపోవచ్చని పేర్కొన్నారు. ఇలాంటి చట్టాలతో ప్రజల హక్కులను కాలరాయొద్దని తీవ్రంగా మండిపడుతున్నారు. అయితే, విమర్శలను అధికార లిబరల్ డెమోక్రటిక్ పార్టీ కొట్టిపారేసింది. నవ్వడం ప్రజల ఇష్టానికే వదిలేస్తున్నట్లు తెలిపింది. అందుకే నవ్వకపోతే జరిమానా విధిస్తాం వంటి అంశాలను చట్టంలో పొందుపరచలేదని వివరించింది.

Also Read..

Joe Biden | కమలా హ్యారిస్‌కు బదులు యూఎస్‌ ఉపాధ్యక్షుడు ట్రంప్‌ అంటూ నోరుజారిన బైడెన్‌

Anant Weds Radhika | అంబానీ ఇంట గ్రాండ్‌ వెడ్డింగ్‌.. భావోద్వేగ వీడియో వైరల్‌

Arvind Kejriwal | ఈడీ కేసులో కేజ్రీవాల్‌కు మధ్యంతర బెయిల్‌ ఇచ్చిన సుప్రీంకోర్టు.. అయినా జైల్లోనే