డోనాల్డ్ ట్రంప్ మొద‌టి భార్య మ‌ర‌ణంపై ఇదీ మెడిక‌ల్ రిపోర్ట్‌..

వాషింగ్ట‌న్‌: డోనాల్డ్ ట్రంప్ మొద‌టి భార్య ఇవానా ట్రంప్ రెండు రోజుల క్రితం మృతిచెందిన విష‌యం తెలిసిందే. న్యూయార్క్ సిటీలోని త‌న ఇంట్లో ఆమె ప్రాణాలు విడిచారు. అయితే మెట్ల మీద నుంచి కింద ప‌డ‌డం వ‌ల్ల మ‌ర‌ణించిన‌ట్లు అనుమానాలు ఉన్నాయి. న్యూయార్క్ సిటీ మెడిక‌ల్ ఆఫీస‌ర్ ఇవానా మృతిపై రిపోర్ట్ ఇచ్చారు. మొండెం భాగానికి బ‌ల‌మైన గాయాలు కావ‌డం వ‌ల్లే ఇవానా ప్రాణాలు విడిచిన‌ట్లు మెడిక‌ల్ ఆఫీస‌ర్ త‌న రిపోర్ట్‌లో తెలిపారు.

మెట్ల మీద నుంచి కింద‌ప‌డిన‌ట్లు వ‌స్తున్న కోణంలో పోలీసులు విచార‌ణ జ‌రుపుతున్నారు. అయితే ఎప్పుడు ఈ ఘ‌ట‌న జ‌రిగిందో మెడిక‌ల్ ఆఫీస‌ర్ త‌న రిపోర్ట్‌లో చెప్ప‌లేదు. కానీ ఇవానా ట్రంప్ మ‌ర‌ణం ప్ర‌మాద‌మే అని తేల్చారు. మ‌న్‌హ‌ట‌న్‌లో ఉన్న ఇంట్లో 73 ఏళ్ల ఇవానా ట్రంప్ మ‌ర‌ణించిన‌ట్లు గురువారం అమెరికా మాజీ అధ్య‌క్షుడు డోనాల్డ్ ప్ర‌క‌టించిన విష‌యం తెలిసిందే.