మదురై చోరీలో ఇన్‌ఫ్లుయెన్సర్‌ అరెస్టు

మదురైలోని తనిష్క్‌ షోరూంలో ఈ నెల 12న జరిగిన నగల చోరీ కేసులో ఇన్‌స్ట్రాగామ్‌ ఇన్‌ఫ్లుయెన్సర్‌ మీనాక్షిని, ప్రధాన నిందితుడు నిశాంత్‌ తండ్రి అశోక్‌ను మదురై సిటీ పోలీసులు శనివారం అరెస్టు చేశారు.

• 5 కిలోల నగలు స్వాధీనం

చెన్నై: మదురైలోని తనిష్క్‌ షోరూంలో ఈ నెల 12న జరిగిన నగల చోరీ కేసులో ఇన్‌స్ట్రాగామ్‌ ఇన్‌ఫ్లుయెన్సర్‌ మీనాక్షిని, ప్రధాన నిందితుడు నిశాంత్‌ తండ్రి అశోక్‌ను మదురై సిటీ పోలీసులు శనివారం అరెస్టు చేశారు. తన వ్యక్తిగత ఇన్‌స్ట్రాగామ్‌ ఖాతాలో టెక్నాలజీ ఉత్పత్తులపై వీడియో రివ్యూలు పెట్టే మీనాక్షికి లక్షకుపైగా ఫాలోవర్లు ఉన్నారు.

మీనాక్షితో కలిసి నిశాంత్‌ వీడియోల్లో కనిపించాడు. అతడికి ప్రయాణ వీడియోలు పెట్టే ప్రత్యేక ఇన్‌స్ట్రాగామ్‌ ఖాతా కూడా ఉన్నది. అరెస్టు అనంతరం చోరీ నగలను ఎక్కడ దాచారో మీనాక్షి వెల్లడించినట్టు సమాచారం. నిందితులు పాతిపెట్టి దాచినట్టు భావిస్తున్న ప్రదేశం నుంచి ఐదు కిలోలకు పైగా నగలను పోలీసులు స్వాధీనం చేసుకున్నారు.