న్యూఢిల్లీ : మనిషిని అనుకరించేందుకు జంతువులు ప్రయత్నించడం చూస్తుంటాం. తాజాగా ఒరాంగుటాన్ ఓ వ్యక్తి జాకెట్ను తాను ధరించేందుకు ప్రయత్నించిన వీడియో తాజాగా సోషల్ మీడియాలో వైరల్ వుతోంది. మరి చివరకు ఈ ప్రయత్నంలో అది సక్సెసయిందా అని తెలుసుకోవాలంటే వైరల్ హాగ్ షేర్ చేసిన వీడియోను చూడాల్సిందే.
ఈ వీడియోకు ఇప్పటివరకూ లక్షకు పైగా వ్యూస్ లభించాయి. ఈ వీడియోలో వ్యక్తి జాకెట్ను చూసిన ఒరాంగుటాన్ జాకెట్ జిప్ను ఓపెన్ చేసి దాన్ని బయటకు తీసేందుకు ప్రయత్నిస్తుంది. ఆపై జాకెట్ను బయటకు తీసి దాన్ని తాను ధరించి మురిసిపోవడం నెటిజన్లను విస్మయపరిచింది.
ఈ ఒరాంగుటాన్ ఈ జాకెట్ను ట్రై చేయాలని కోరుకుందని వీడియోకు క్యాప్షన్ ఇచ్చారు. జాకెట్ ధరించడం ఎలాగనేది ఒరాంగుటాన్కు ఎలా తెలిసిందన్నది తనకు అర్ధం కాలేదని ఓ యూజర్ కామెంట్ చేయగా, ఈ వీడియో చూసి తాను స్టన్ అయ్యానని మరో యూజర్ రాసుకొచ్చారు. జంతువులు మనకు ప్రతిరూపాలని, అవి మనకంటే తెలివిమీరాయని మరో యూజర్ కామెంట్ చేశారు.