హౌతీ రెబెల్స్‌ దాడి.. 53 మంది సైనికులు మృతి

ఇరాన్‌ మద్దతున్న హౌతీ తిరుగుబాటుదారులు యెమెన్‌లోని దక్షిణ ప్రాంతంలో ప్రభుత్వ బలగాల సైనిక శిబిరంపై సోమవారం బాలిస్టిక్‌ క్షిపణులతో దాడి చేశారు.

• యెమెన్‌లో ఘటన

కైరో : ఇరాన్‌ మద్దతున్న హౌతీ తిరుగుబాటుదారులు యెమెన్‌లోని దక్షిణ ప్రాంతంలో ప్రభుత్వ బలగాల సైనిక శిబిరంపై సోమవారం బాలిస్టిక్‌ క్షిపణులతో దాడి చేశారు. ఈ ఘటనలో కనీసం 53 మంది సైనికులు మరణించగా, మరో 200 మంది శిక్షణ పొందతున్నవారు గాయపడ్డారని షబ్వా ప్రావిన్స్‌ అధికారులు వెల్లడించారు. మృతుల సంఖ్య పెరిగే అవకాశం ఉందని తెలిపారు.

ఈ దాడి తామే చేసినట్టు హౌతీలు అంగీకరించారు. శిక్షణ, సన్నద్ధత దశలో ఉన్న కొత్త సిబ్బందిని లక్ష్యంగా చేసుకొని ఈ దాడి జరిగిందని, ఇది షబ్వా ప్రావిన్స్‌ భద్రత, స్థిరత్వానికి ముప్పు కలిగించే తీవ్రమైన సైనిక ఉద్రిక్తతకు నిదర్శనమని ప్రావిన్స్‌ ప్రభుత్వం పేర్కొన్నది.