Joe Biden | జీ20 సమ్మిట్‌కు జిన్‌పింగ్‌ గైర్హాజరు..! బైడెన్‌ ఏమన్నారంటే..?

Joe Biden | సెప్టెంబర్‌ 9-10 తేదీల్లో ఢిల్లీలో G-20 దేశాధినేతల శిఖరాగ్ర సదస్సు (G20 Summit) జరగనున్న విషయం తెలిసిందే. ఈ సదస్సుకు చైనా అధ్యక్షుడు జిన్‌పింగ్‌ (Xi Jinping) దూరంగా ఉండనున్నట్లు విశ్వసనీయ వర్గాలు గురువారం తెలిపాయి. అయితే, జిన్‌పింగ్‌ గైర్హాజరుపై అమెరికా అధ్యక్షుడు బైడెన్‌ స్పందించారు.

Joe Biden | సెప్టెంబర్‌ 9-10 తేదీల్లో ఢిల్లీలో G-20 దేశాధినేతల శిఖరాగ్ర సదస్సు (G20 Summit) జరగనున్న విషయం తెలిసిందే. భారత్‌ ఎంతో ప్రతిష్ఠాత్మకంగా భావిస్తోన్న ఈ సదస్సుకు అమెరికా అధ్యక్షుడు జోబైడెన్‌ (Joe Biden) సహా పలు దేశాల అధ్యక్షులు హాజరుకాబోతున్నారు. అయితే ఈ సమ్మిట్‌కు చైనా అధ్యక్షుడు గైర్హాజరయ్యే అవకాశం ఉందని వార్తలు వస్తున్నాయి.

జీ20 సమ్మిట్‌కు చైనా అధ్యక్షుడు జిన్‌పింగ్‌ (Xi Jinping) దూరంగా ఉండనున్నట్లు విశ్వసనీయ వర్గాలు గురువారం తెలిపాయి. ఆయనకు బదులు ఆ దేశ ప్రధాని లి కియాంగ్‌ వస్తారని పేర్కొన్నాయి. అయితే, జిన్‌పింగ్‌ గైర్హాజరుపై అమెరికా అధ్యక్షుడు బైడెన్‌ స్పందించారు. ఆయన (జిన్‌పింగ్‌) జీ20 సమ్మిట్‌కు హాజరవుతారని తాను ఆశిస్తున్నట్లు చెప్పారు. విలేకరులతో సమావేశం సందర్భంగా మీడియా అడిగిన ప్రశ్నకు బైడెన్‌ ఈ విధంగా స్పందించారు.

భారత్‌, చైనా మధ్య నెలకొన్న సరిహద్దు ఉద్రిక్తతల నేపథ్యంలో ఈ సదస్సులో భాగంగా ప్రధాని మోదీ, జిన్‌పింగ్ మధ్య ద్వైపాక్షిక చర్చలు జరిగే అవకాశం ఉండొచ్చని అంతా భావించారు. కానీ ఇప్పుడు జిన్​పింగ్​ హాజరుకారని అధికార వర్గాలు వెల్లడిస్తున్నాయి. మరోవైపు ఈ సమావేశానికి రష్యా అధ్యక్షుడు పుతిన్‌ (Putin) కూడా హాజరుకావడం లేదు. ఈ విషయాన్ని క్రెమ్లిన్ ప్రతినిధి డిమిత్రి పెస్కోవ్ ఇటీవలే వెల్లడించారు. అయితే పుతిన్‌ ఈ సమ్మిట్‌లో వర్చువల్‌గా పాల్గొనే అవకాశం ఉన్నట్లు తెలుస్తోంది.

Also Read..

One Nation One Election | ఒకే దేశం – ఒకే ఎన్నికలపై కమిటీని నియమించిన కేంద్రం..!

Congress | కాంగ్రెస్‌లో కాకరేపుతున్న ఖమ్మం రాజకీయాలు.. తుమ్మలను పార్టీలో చేర్చుకునేది పొంగులేటికి చెక్‌పెట్టేందుకేనా?

Block buster Kushi | విజ‌య్ దేవ‌ర‌కొండకు బ్లాక్ బస్టర్‌ పడ్డట్టేనా.. ఖుషిపై ప్రేక్షకుల రియాక్షన్‌ ఏంటీ..?