ఇజ్రాయెల్‌పై హెజ్బుల్లా రాకెట్ల వర్షం

ఉజ్రాయిల్‌లో మరోసారి ఉద్రిక్తతలు నెలకొన్నాయి. బుధవారం ఉత్తర ఇజ్రాయెల్‌పై హెజ్బుల్లా దక్షిణ లెబనాన్‌ నుంచి దాదాపు 160 రాకెట్లతో విరుచుకుపడింది.

బీరుట్‌: ఉజ్రాయిల్‌లో మరోసారి ఉద్రిక్తతలు నెలకొన్నాయి. బుధవారం ఉత్తర ఇజ్రాయెల్‌పై హెజ్బుల్లా దక్షిణ లెబనాన్‌ నుంచి దాదాపు 160 రాకెట్లతో విరుచుకుపడింది. ఇజ్రాయెల్‌, హెజ్బుల్లా మధ్య ఘర్షణ ప్రారంభమైన తర్వాత జరిగిన అతిపెద్ద దాడుల్లో ఇది ఒకటిగా భావిస్తున్నారు. ఈ దాడుల్లో ఎలాంటి ప్రాణనష్టం జరగలేదు.

కాగా, తమ కీలక కమాండర్‌ తలెబ్‌ సమీ అబ్దుల్లా హత్యకు ప్రతీకారంగా ఇజ్రాయెల్‌కు చెందిన రెండు మిలిటరీ బేస్‌లపై రాకెట్లు, మిస్సైళ్లతో దాడి చేశామని హెజ్బుల్లా ప్రకటించింది. ఇజ్రాయెల్‌, హమాస్‌ మధ్య కాల్పుల విరమణ ఒప్పందానికి అమెరికాతో సహా అంతర్జాతీయ స్థాయిలో ప్రయత్నాలు జరుగుతున్న వేళ హెజ్బుల్లా ఈ దాడికి పాల్పడటంతో ఉద్రిక్తతలు మరోసారి పెరిగాయి. ఇప్పటివరకు లెబనాన్‌పై ఇజ్రాయెల్‌ జరిపిన దాడిలో 400 మంది హెజ్బుల్లా సభ్యులు మరణించినట్టు తెలుస్తున్నది.