ఉక్రెయిన్‌లో నౌకపై దాడి నలుగురు భారతీయులు మృతి.. మరొకరి పరిస్థితి విషమం

ఉక్రెయిన్‌లో నౌకపై జరిగిన దాడిలో నలుగురు భారతీయులు మృతి చెందగా.. మరొకరి పరిస్థితి విషమంగా ఉంది. జూలై 19న సాయంత్రం ఒడెసా పోర్టు నుంచి ఐదుగురు భారతీయులతో సహా 17మందితో గినియా-బిస్సావు జెండా కలిగిన ఎంవీ గోల్డెన్‌ నౌక ధాన్యం తీసుకెళ్తుండగా దాడి జరిగింది.

న్యూఢిల్లీ : ఉక్రెయిన్‌లో నౌకపై జరిగిన దాడిలో నలుగురు భారతీయులు మృతి చెందగా.. మరొకరి పరిస్థితి విషమంగా ఉంది. జూలై 19న సాయంత్రం ఒడెసా పోర్టు నుంచి ఐదుగురు భారతీయులతో సహా 17మందితో గినియా-బిస్సావు జెండా కలిగిన ఎంవీ గోల్డెన్‌ నౌక ధాన్యం తీసుకెళ్తుండగా దాడి జరిగింది. ఈ దాడిలో నలుగురు భారతీయులు అక్కడికక్కడే మృతి చెందగా.. మరొకరు ఉక్రెయిన్‌లోని ఓ దవాఖానలో చికిత్స పొందుతున్నారని విదేశాంగశాఖ తెలిపింది.

పరిస్థితిని ఉక్రెయిన్‌లోని ఇండియన్‌ ఎంబసీ నిశితంగా పరిశీలిస్తోందని చెప్పింది. ఈ దాడిని భారత్‌ తీవ్రంగా ఖండిస్తున్నట్టు విదేశాంగశాఖ నోట్‌ విడుదల చేసింది. నోట్‌లో రష్యా పేరు విదేశాంగశాఖ ప్రస్తావించలేదు. ఉక్రెయిన్‌ మాత్రం రష్యానే దాడి చేసిందని ఆరోపించింది.