Visit:
Iran Warning | టెహ్రాన్, ఏప్రిల్ 13 : అమెరికాతో చర్చలు విఫలమై, హొర్ముజ్ జలసంధిని దిగ్బంధిస్తామని అమెరికా అధ్యక్షుడు డొనాల్డ్ ట్రంప్ హెచ్చరించిన తర్వాత ఒక అసాధారణ సందేశంతో ఇరాన్ ప్రతిస్పందించింది. సాధారణ రాజకీయ ప్రకటనకు బదులుగా హెచ్చరిక పంపడానికి గణిత తరహా సూత్రాన్ని ఇరాన్ ఉపయోగించింది.
ఇరాన్ పార్లమెంట్ స్పీకర్ మొహమ్మద్ బాఘెర్ ఘాలిబాఫ్ తాను చెప్పదలచుకున్న అంశాన్ని తెలియచేసేందుకు జు f(f(O))>f(O) అన్న ఫార్ములాను ఉపయోగించారు. సులభంగా చెప్పాలంటే దిగ్బంధనానికి చమురు ధరలు ఎలా స్పందిస్తాయో ఈ సూత్రం వివరిస్తుంది. ఇక్కడ O చమురు ధరలను, BSOH హొర్ముజ్ జలసంధి దిగ్బంధనాన్ని సూచిస్తుంది. మొదటి భాగం ప్రకారం దిగ్బంధన పెరిగితే చమురు ధరలు పెరుగుతాయి. ఈ ప్రభావం ఇంతటితో ఆగదని రెండవ భాగం సూచిస్తుంది. కాలక్రమేణా ఈ ప్రభావం బలపడుతుంది. ధరలలో మొదటి పెరుగుదల తర్వాత రెండో, మరింత పెద్ద పెరుగుదల వస్తుంది.
భయాందోళనలు, సరఫరా అంతరాయాలు, అధిక రవాణా ఖర్చులు, మార్కెట్ ప్రతిచర్యల కారణంగా అది జరుగుతుంది. O=చమురు ధర లేదా చమురు షాక్. BSOH= హొర్ముజ్ జలసంధి దిగ్బంధం. = దిగ్బంధనంతో చమురు ధరల పెరుగుదల. f(f(O))>f(O)f(f(O))>f(O) = మొదటి రౌండ్ ప్రభావం కంటే రెండో రౌండ్ ప్రభావం దారుణంగా ఉంటుంది. కాబట్టి, సులభంగా చెప్పాలంటే హొర్ముజ్ దిగ్బంధం మొదట చమురు ధరలలో ఒక పెరుగుదలను, ఆ తర్వాత భయాందోళనలు, సరఫరాకు అంతరాయం, రవాణా ఖర్చులు, తదుపరి మార్కెట్ ప్రతిచర్యల ద్వారా మరో పెద్ద పెరుగుదలను ప్రేరేపించగలదు. క్లుప్తంగా చెప్పాలంటే నష్టం క్రమంగా పెరగడానికి బదులుగా ప్రతి అడుగుతో మరింత వేగంగా పెరుగుతుందని ఇరాన్ హెచ్చరిస్తున్నది.
