భారతీయులకు దుబాయ్‌ మల్టిపుల్‌ ఎంట్రీ వీసా

భారతీయుల కోసం దుబాయ్‌ ఐదేళ్ల మల్టిపుల్‌ ఎంట్రీ వీసాను ప్రవేశపెట్టింది. సర్వీస్‌ రిక్వెస్ట్‌ను స్వీకరించి, ఆమోదించిన తర్వాత రెండు నుంచి ఐదు పని దినాల్లో ఈ వీసాను జారీ చేస్తారు.

దుబాయ్‌: భారతీయుల కోసం దుబాయ్‌ ఐదేళ్ల మల్టిపుల్‌ ఎంట్రీ వీసాను ప్రవేశపెట్టింది. సర్వీస్‌ రిక్వెస్ట్‌ను స్వీకరించి, ఆమోదించిన తర్వాత రెండు నుంచి ఐదు పని దినాల్లో ఈ వీసాను జారీ చేస్తారు. ఈ వీసాను పొందిన వ్యక్తి 90 రోజులపాటు దుబాయ్‌లో ఉండొచ్చు. దీనిని మరో 90 రోజులపాటు పొడిగించుకునేందుకు అవకాశం ఉంటుంది.

మొత్తం మీద ఒక సంవత్సరంలో 180 రోజులకు మించకుండా దుబాయ్‌లో ఉండేందుకు ఇది అనుమతిస్తుంది. దుబాయ్‌ ఆర్థిక, పర్యాటక శాఖ ఈ వివరాలను వెల్లడించింది. వ్యాపారం, వినోదాత్మక పర్యటనల కోసం ఈ వీసాను ఉపయోగించుకోవచ్చునని తెలిపింది.