Iran vs Israel | ఇరాన్‌పై 15 వేలకుపైగా బాంబులు వేశాం.. ఇజ్రాయెల్‌ రక్షణ మంత్రి కాట్జ్‌

Iran vs Israel | ఇరాన్‌ (Iran) తో అమెరికా-ఇజ్రాయెల్‌ (US-Israel) దేశాల యుద్ధం ప్రారంభమై దాదాపు నెలరోజులు అవుతోంది. ఈ ఏడాది ఫిబ్రవరి 28 నుంచి యుద్ధం సాగుతోంది. ఈ యుద్ధంలో ఇప్పటివరకు ఇరాన్‌పై 15 వేల బాంబులు వేశామని ఇజ్రాయెల్ ప్రకటించింది.

Iran vs Israel : ఇరాన్‌ (Iran) తో అమెరికా-ఇజ్రాయెల్‌ (US-Israel) దేశాల యుద్ధం ప్రారంభమై దాదాపు నెలరోజులు అవుతోంది. ఈ ఏడాది ఫిబ్రవరి 28 నుంచి యుద్ధం సాగుతోంది. ఈ యుద్ధంలో ఇప్పటివరకు ఇరాన్‌పై 15 వేల బాంబులు వేశామని ఇజ్రాయెల్ ప్రకటించింది. ఈ మేరకు ఇజ్రాయెల్ రక్షణ మంత్రి కాట్జ్ (Katze) ప్రకటన చేశారు.

ఫిబ్రవరి 28న అమెరికాతో కలిసి ఇరాన్‌పై ఇజ్రాయెల్ యుద్ధం ప్రారంభించింది. ఈ యుద్ధం మొదలైనప్పటి నుంచి తమ సైన్యం 15 వేల బాంబులను ఇరాన్‌పై ప్రయోగించిందని కాట్జ్ చెప్పారు. గత ఏడాది జూన్‌లో 12 రోజులపాటు జరిగిన సంఘర్షణ సమయంలో కంటే నాలుగు రెట్లు బాంబులు ఉపయోగించినట్లు తెలిపారు. ఇరాన్‌లోని 3,000 లక్ష్యాలపై దాడులు చేసినట్లు చెప్పారు.

ఇరాన్‌పై దాడిని ఐదు రోజులపాటు నిలిపివేస్తున్నట్లు అమెరికా అధ్యక్షుడు డొనాల్డ్ ట్రంప్ రెండు రోజుల క్రితం సంచలన ప్రకటన చేశారు. అయితే ఆ ప్రకటనతో తమకు సంబంధం లేదని ఇజ్రాయెల్ చెబుతోంది.