boat capsizes | జిబూటి నుంచి యెమెన్ వెళ్తున్న పడవ బోల్తా.. 109 మంది మృతి.. 116 మంది గల్లంతు

boat capsizes : ఆఫ్రికా దేశమైన జిబూటి తీరంలో పడవ బోల్తా పడటంతో 109 మంది మరణించారు. మరో 116 మంది గల్లంతయ్యారు. 80 మంది సురక్షితంగా బయటపడ్డారు.

boat capsizes : ఆఫ్రికా దేశమైన జిబూటి తీరంలో పడవ బోల్తా పడటంతో 109 మంది మరణించారు. మరో 116 మంది గల్లంతయ్యారు. 80 మంది సురక్షితంగా బయటపడ్డారు. ఈ ఘటన ఈస్ట్ ఆఫ్రికా దేశమైన జిబూటి తీరంలో జరిగిందని ఇంటర్నేషనల్ ఆర్గనైజేషన్ ఆఫ్ మైగ్రేష్ (ఐఓఎం) సంస్థ ఆదివారం తెలిపింది.

350 మంది వలసదారులతో కూడిన నౌక తీర పట్టణమైన జిబూటి నుంచి యెమెన్ బయల్దేరింది. మార్గమధ్యలో, ఉత్తర ఒబోక్ వద్ద, గుహెరో ప్రాంతానికి సమీపంలో బోల్తాపడింది. ఈ ఘటన అక్టోబర్ 8-9 తేదీల మధ్య రాత్రిపూట జరిగింది. ఈ పడవ బోల్తా పడటంతో అందులో ప్రయాణిస్తున్న వారు నీట మునిగిపోయారు. వీరిలో 109 మంది మరణించారు. మృతుల్లో 15 మంది పిల్లలున్నారు. అలాగే, 52 మంది పురుషులు, 42 మంది మహిళలున్నారు. మరో 116 మంది గల్లంతయ్యారు. 80 మంది సురక్షితంగా బయటపడ్డారు.

వీరంతా ఇథియోపియాకు చెందిన వారు. ఈ ప్రమాదంపై సమాచారం అందుకున్న అధికారులు సహాయక చర్యలు చేపట్టారు. ఈ అంశంపై ఇథియోపియా ప్రభుత్వం ఇప్పటివరకు అధికారికంగా ఎలాంటి ప్రకటనా చేయలేదు. ఇక, ఈ ప్రమాదం ఎలా జరిగింది.. మృతుల సంఖ్య వంటి పూర్తి వివరాలు ఇంకా తెలియాల్సి ఉంది.