Covid Test | కొవిడ్ టెస్ట్ చేయించుకున్నాడు.. బిల్లు చూసి షాక్ తిన్నాడు!
కొవిడ్ టెస్ట్( Covid Test ) చేయించుకున్న వారు త‌మ‌కు ఎక్క‌డ పాజిటివ్ వస్తుందో అని భ‌య‌ప‌డ‌టం స‌హ‌జం. కానీ అమెరికాలోని ఓ వ్య‌క్తి మాత్రం ఈ టెస్ట్ ఫ‌లితం నెగ‌టివ్‌గా వ‌చ్చినా కూడా షాక్ తిన్నాడు.
డ‌ల్లాస్‌: కొవిడ్ టెస్ట్( Covid Test ) చేయించుకున్న వారు త‌మ‌కు ఎక్క‌డ పాజిటివ్ వస్తుందో అని భ‌య‌ప‌డ‌టం స‌హ‌జం. కానీ అమెరికాలోని ఓ వ్య‌క్తి మాత్రం ఈ టెస్ట్ ఫ‌లితం నెగ‌టివ్‌గా వ‌చ్చినా కూడా షాక్ తిన్నాడు. దీనికి కార‌ణం ఆ టెస్ట్ చేయ‌డానికి ఆ సెంట‌ర్ వాళ్లు వేసిన బిల్లు. ట్రెవిస్ వార్న‌ర్ అనే ఆ వ్య‌క్తి పీసీఆర్ టెస్ట్, యాంటీజెన్ టెస్టులు చేయించుకున్నాడు. దీనికి వాళ్లు వేసిన బిల్లు ఏకంగా 54 వేల డాల‌ర్లు. అంటే మ‌న క‌రెన్సీలో సుమారు రూ.40 ల‌క్ష‌లు. అమెరికాలో కొవిడ్ టెస్టుల త‌ర్వాత బిల్స్ చూసి షాక్ తిన్న వాళ్ల సంఖ్య భారీగానే ఉంది. సాధార‌ణంగా ఈ టెస్ట్‌కు 8 నుంచి 15 డాల‌ర్లు మాత్ర‌మే అవుతుంది.
కానీ అమెరికాలో కొవిడ్ టెస్ట్‌ల‌కు వ‌సూలు చేసే చార్జీల‌పై ఎలాంటి నియంత్ర‌ణ లేదు. దీంతో అప్పుడప్పుడూ ఇలాంటి భారీ బిల్స్ పేషెంట్ల‌ను షాక్‌కు గురి చేస్తున్నాయి. వార్న‌ర్ విష‌యానికి వ‌స్తే అత‌నికి మోలినా హెల్త్‌కేర్ నుంచి ఇన్సూరెన్స్ ఉంది. వాళ్లకు ఈ బిల్లు పంపించ‌గా.. ఎలాగోలా ఆ సెంట‌ర్ వాళ్ల‌ను బ‌తిమాలి దానిని 16915 డాలర్లకు తగ్గించి చెల్లించారు. విచిత్రం ఏమిటంటే వార్న‌ర్ భార్య కూడా అదే రోజు, అదే స‌మ‌యానికి, అదే సెంట‌ర్‌లో అవే టెస్టులు చేయించుకుంది. ఆమెకు ఆ సెంట‌ర్ వాళ్లు 2 వేల డాల‌ర్ల బిల్లు వేశారు. ఆమెకు మ‌రో ఇన్సూరెన్స్ సంస్థ నుంచి బీమా ఉంది. వాళ్లు ఈ బిల్లును వెయ్యి డాలర్లకు సెటిల్ చేశారు.
నిజానికి వార్న‌ర్ విష‌యంలో ఆ సెంట‌ర్ వాళ్లు బిల్లింగ్‌లో కొన్ని పొర‌పాట్లు చేశార‌ని, దానిని తాము గుర్తించిన త‌ర్వాత బిల్లును 16 వేల డాలర్లకు త‌గ్గించార‌ని మోలినా ఇన్సూరెన్స్ అధికార ప్ర‌తినిధి చెప్పారు. అయినా కూడా కొవిడ్ టెస్టుల‌కు అంత భారీ మొత్తం ఎలా అవుతుందో ఇప్ప‌టి వ‌ర‌కూ ఎవ‌రికీ అంతుచిక్క‌డం లేదు.
Read Today's Latest International News in Telugu and Telugu News
- Follow Us :
-
