Pakistan TikToker: పాకిస్థాన్‌లో దారుణం.. ఓ మ‌హిళ‌పై వంద‌ల మంది దాడి.. వీడియో
లాహోర్‌: పాకిస్థాన్ స్వాతంత్ర్య దినోత్స‌వం జ‌రుపుకున్న ఆగ‌స్ట్ 14నే లాహోర్‌లో దారుణం జ‌రిగింది. టిక్‌టాక్ ( Pakistan TikToker ) వీడియోలు చేసే ఓ మ‌హిళ‌పై ఒకేసారి వంద‌ల మంది దాడి చేశారు. ఆమె బ‌ట్ట‌లు చించేశారు. గాల్లోకి ఎగ‌రేశారు. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. స్వాతంత్ర్య దినోవ్సం రోజున పార్క్‌లో వంద‌ల మంది పురుషులు త‌న‌ను చుట్టుముట్టి దాడికి పాల్ప‌డిన‌ట్లు ఆ మ‌హిళ వెల్ల‌డించింది. ఈ వీడియో బ‌య‌ట‌కు రావ‌డంతో ఈ దారుణ‌మైన ఘ‌ట‌న గురించి బ‌య‌టి ప్ర‌పంచానికి తెలిసింది. ఈ ఘ‌ట‌న‌పై లారీ అడ్డా పోలీస్ స్టేష‌న్‌లో కేసు న‌మోదు చేసిన‌ట్లు పాక్ ప‌త్రిక డాన్ వెల్ల‌డించింది.
మినారె పాకిస్థాన్ ద‌గ్గ‌ర త‌న‌తోపాటు త‌న ఆరుగురు స్నేహితుల‌తో వీడియో తీస్తున్న స‌మ‌యంలో 300 నుంచి 400 మంది త‌మ‌పై దాడి చేసిన‌ట్లు ఆ మ‌హిల త‌న ఫిర్యాదులో పేర్కొంది. తాము త‌ప్పించుకోవ‌డానికి ప్ర‌య‌త్నించినా ఫ‌లితం లేక‌పోయింద‌ని ఆమె చెప్పింది. త‌న దుస్తులు చించి, గాల్లోకి ఎగ‌రేసి దారుణంగా హింసించార‌ని ఆమె తెలిపింది.
Read Today's Latest International News in Telugu and Telugu News
- Follow Us :
-
