ఒక సంవత్సరం కాదు.. రెండు సంవత్సరాలు కాదు.. దాదాపు 90 ఏళ్ల నుంచి ఓ చేప అక్వేరియంలో ఉంది. దాని వయసు కూడా 90 ఏళ్లే. ఆ చేప ఎన్ని కిలోలు ఉందో తెలుసా? 18 కిలోలు. 90 ఏళ్ల నుంచి అక్వేరియంలోనే ఉన్న ఆ చేప ఇప్పుడు సెలబ్రిటీ. దాన్ని చూడటానికి టూరిస్టులు ఎగబడుతున్నారు. ఇంతకీ ఆ చేప ఎక్కడుంది అంటారా? యూఎస్లోని శాన్ ఫ్రాన్సిస్కోలో ఉన్న స్టీన్ హార్ట్ అక్వేరియంలో. ఆ చేప పేరు మెథుసెలా.
ఆస్ట్రేలియా నుంచి 1938లో ఆ చేపను శాన్ ఫ్రాన్సిస్కో మ్యూజియానికి తీసుకొచ్చారట. అప్పటి నుంచి ఆ చేప ఆ అక్వేరియంలోనే ఉందట. ఇప్పుడు ఆ చేప ప్రపంచంలోనే అక్వేరియంలో జీవించి ఉన్న అత్యంత వృద్ధ చేపగా రికార్డుకెక్కింది. కాలిఫోర్నియా అకాడెమీ ఆఫ్ సైన్సెస్ స్టీన్హార్ట్ అక్వేరియంలో ఉన్న ఆ చేపను చూసేందుకు టూరిస్టులు మాత్రం క్యూ కడుతున్నారు.
ఆస్ట్రేలియాకు చెందిన లంగ్ ఫిష్.. ఇలాగే అక్వేరియంలో 95 ఏళ్లు జీవించి ఉంది. కానీ.. అది 2017లో చనిపోయింది. దీంతో ప్రస్తుతం ఆ టైటిల్ను మెథుసెలా దక్కించుకుంది.