నైజీరియాలో నరమేధం.. 62 మంది మృతి!

నైజీరియాలో అమాయకులపై తూటాల వర్షం కురిసింది. తుపాకీలతో దుండగులు జరిపిన కాల్పుల్లో 62 మంది ప్రాణాలు కోల్పోయారు.

అబుజ : నైజీరియాలో అమాయకులపై తూటాల వర్షం కురిసింది. తుపాకీలతో దుండగులు జరిపిన కాల్పుల్లో 62 మంది ప్రాణాలు కోల్పోయారు. బిన్నారీ కమ్యూనిటీని లక్ష్యంగా చేసుకుని దుండగులు ఈ దారుణానికి పాల్పడినట్లు దేశ అత్యవసర విపత్తుల నిర్వహణ సంస్థ వెల్లడించింది.

శుక్రవారం తరాబా ప్రాంతంలో జరిగిన ఈ ఘటనలో మరో 52 మంది గాయపడినట్లు అసోసియేటెడ్‌ ప్రెస్‌(ఏపీ) నివేదించింది. మృతుల సంఖ్య ఇంకా పెరిగే అవకాశం ఉందని అధికారులు భావిస్తున్నారు. బందిపోటు ముఠాలకు చెందినవారు ఈ దాడులకు పాల్పడినట్లు సమాచారం.