Oxygen plant | ఆక్సిజన్‌ ప్లాంట్‌లో భారీ పేలుడు.. ఆరుగురు మృతి, 30 మందికి గాయాలు

బంగ్లాదేశ్‌లోని (Bangladesh) చిట్టగాంగ్‌లో (Chittagong) పేలుడు సంభవించింది. చిట్టగాంగ్‌ సమీపంలోని కేశవ్‌పూర్‌ వద్ద ఉన్న ఓ ఆక్సిజన్‌ ప్లాంటులో (Oxygen plant) ఒక్కసారిగా భారీ శబ్ధంతో పేలుడు (Explosion) సంభవించింది.

చిట్టగాంగ్‌: బంగ్లాదేశ్‌లోని (Bangladesh) చిట్టగాంగ్‌లో (Chittagong) పేలుడు సంభవించింది. చిట్టగాంగ్‌ సమీపంలోని కేశవ్‌పూర్‌ వద్ద ఉన్న ఓ ఆక్సిజన్‌ ప్లాంటులో (Oxygen plant) ఒక్కసారిగా భారీ శబ్ధంతో పేలుడు (Explosion) సంభవించింది. దీంతో ఆరుగురు మరణించగా, 30 మందికిపైగా తీవ్రంగా గాయపడ్డారు. పేలుడువ ల్ల ప్లాంట్‌ పరిసర ప్రాంతాల్లో దట్టంగా పొగలు అలుముకున్నాయి. సమాచారం అందుకున్న అగ్నిమాపక సిబ్బంది, పోలీసులు ఘటనా స్థలానికి చేరుకుని సహాయక చర్యలు చేపట్టారు. కాగా, పేలుడు ధాటికి ఆక్సిజన్‌ ప్లాంట్‌కు రెండు చదరపు కిలోమీటర్ల వరకు బిల్డింగ్‌లు ప్రభావితమయ్యాయాని స్థానికులు వెల్లడించారు. అదేవిధంగా ఇనుప వస్తువులు పెద్దమొత్తం చెల్లాచెదురుగా పడిపోయాయని తెలిపారు.

ఇక శనివారం ఉదయం ఇండోనేషియా రాజధాని జకార్తలో (Jakarta) ఉన్న ఓ చమురు డిపోలో (Fuel storage depot) పేలుడు సంభవించింది. దీంతో 16 మంది దుర్మరణం చెందారు. మరో50 మందికిపైగా గాయపడ్డారు. ఉత్తర జకార్తాలోని తనహ్‌ మేరా సమీపంలో ప్రభుత్వ ఆధ్వర్యంలో నడుస్తున్న పెర్టమినా (Pertamina) ఆయిల్‌ డిపోలో ఒక్కసారిగా భారీ పేలుడు సంభవించింది. దీంతో భారీగా మంటలు చెలరేగాయి. అవి చుట్టుపక్కల ప్రాంతాలకు వ్యాపించడంతో అధికారులు నివాసప్రాంతాల్లో ఉండే వేలాది మంది ప్రజలను ఖాళీ చేయించారు.